末日晚餐!

今日係傳聞中的世界末日前夕，

我煮咗餐簡單嘅末日晚餐，

平平安安係屋企同家人一齊渡過，

咁大家呢???

蒜蓉白酒煮黑青口

材料: 黑青口2包、蒜蓉1湯匙、洋蔥半個、白酒半杯、忌廉100g、牛油1湯匙



調味: 鹽適量、parsley少許



做法: 黑青口解凍後用水沖沖表面備用；


燒熱易潔鑊加牛油爆香蒜蓉和洋蔥，

加入黑青口和白酒煮滾約3分鐘，

最後加忌廉和調味攪勻煮至翻滾便成。


黑椒雞軟骨
材料: 雞軟骨1磅

醃料: 豉油1湯匙、老抽少許、糖1茶匙、鹽半茶匙、

粟粉1茶匙、麻油和玫瑰露少許

做法: 雞軟骨解凍後，用醃料醃1-2小時；

燒熱易潔鑊加少少油，將雞軟骨炒熟至兩面金黃色便成。

(千祈唔好落太多油去煎，因為雞軟骨會出好多油o架!)                               

 

 

大家可以入嚟Facebook讚下我新開嘅Fans專頁呀!

 

雀后(添飯)Facebook Fan Page