白菜木耳豬肉餃!

連續兩日都買咗1磅豬肉碎返屋企，

真係老人痴呆症發作呀!

2磅幾豬肉用嚟做咩???

用嚟包餃子就最啱啦!

今日總共包咗110隻餃子，

48隻煎餃放咗入冰箱急凍後入袋裝好，

隨時煎嚟食都得；

至於62隻湯餃加埋4個烏冬，

做咗我哋嘅午餐啦!

阿華田朱古力粒muffin!

復活節第二日節目～探祈祈BB，

整咗10個阿華田朱古力粒muffin做下午小食！

仲有今日係老公正日生日，

祝老公生日快樂，

搵多D賺多D錢~俾哂我洗呀！

材料: 自發粉200g、牛油100g、糖100g、蛋2隻、牛奶80g、

阿華田粉20g、入爐朱古力粒30g+8g(裝飾用)

(原譜用低筋麵粉200g、梳打粉1g、泡打粉5g篩勻備用)

做法: 牛油擺室溫至軟身後用匙羹將糖搓至混合，

逐一加入2隻蛋攪勻成豆腐花狀後加入牛奶攪勻至冇粒粒；

把已過篩的自發粉、阿華田粉和朱古力粒加入蛋糊內攪勻，

用匙羹"畢"入紙杯內，加入少許朱古力粒係粉糊上，

放入已預熱15分鐘嘅焗爐，用180度上下火焗約20分鐘便成。

   

 

大家可以入嚟Facebook讚下我新開嘅Fans專頁呀!

雀后(添飯)Facebook Fan Page

風雨中的約會!

 

噚日香港天氣唔多好，

間中橫風橫雨仲行雷閃電添呀!

但冇阻我哋一班同事燒嘢食嘅興緻!

相約同事飲完茶後，

齊齊買嘢到同事家中燒嘢食!

同事屋企有塊地，

種咗好多蕃茄和菜!

飲茶加燒嘢食，

每人$125咋!

西餅蛋糕製作精選實習班三(第四堂)~栗子芝士蛋糕＆酒心朱古力撻!

星期二(26/3)，

呢日學整栗子芝士蛋糕＆酒心朱古力撻!

亞sir落重料整個酒心撻，

加咗成杯rum酒落朱古力漿度，

好酒呀!

泰式豬手飯!

好鐘意食泰式豬手，

次次去泰國菜館都會叫碟嚟食，

唔知自己整得唔得呢???

同事母親係泰國華僑，

除教我整豬手外，

仲幫我買埋泰國香料，

真係唔該哂呀!

 題外話:

大魔怪好攪笑，

我一路炆豬手，

佢猛咁話好香，

我話炆俾佢食架，

佢話幾驚我係炆俾同事食，

好彩有得食啫!

 

放假啦喂!

呵呵呵，

返埋今日放假啦喂!

一連12日嘅復活假期由明天開始，

4月8日先返學呀!

開心!

襯假期，

我哋老師又攪個小型大食會。

大食會???(唔係好多嘢食喎???)

呢次大食會係我哋下午啱啱放底飯碗冇耐，

我諗都唔夠5分鐘又開第二餐，

仲唔係大食!

第一次整彩繪蛋糕卷!

 

今日臨時代朋友仔返學，

學咩嘢???

就係彩繪蛋糕卷啦!

呢個蛋糕卷唔講得上好靚仔，

第一次係咁上下架喇，

應該得閒時會係屋企都玩下啦!

豐食足食!

大小魔怪唔係咁鐘意食白粥，

要食粥就要煲有味粥啦!

今日午餐有菜乾排骨粥、上海粗炒烏冬、油炸鬼牛脷酥!

全部都係大大煲大大鑊!

 

木瓜眉豆花生雞腳排骨湯!

 

咁多種生果湯之中，

我哋一家最鐘意飲嘅就係木瓜湯啦!

仲可以連湯連渣全部食清哂添，

一D都唔嘥架!

今日買嘅木瓜超正，

啖湯好甜呀!

燕麥馬蹄豬肉蒸鮮冬菇!

 

人人話食得健康，

睇怕我都要跟啦!

今日蒸馬蹄豬肉，

攪攪新意思，

加咗燕麥、鮮冬菇和杞子，

嘻嘻，

又幾好食呀!

 

鮮奶燉蛋白!

 

呢排天氣唔好，

又濕又熱，

令人心情煩躁，
食慾不振，

好想食甜嘢呀!
 

 

芝士豬扒焗肉醬意粉!

 

今日係中國節氣~春分，

即係話春天已經過咗一半，

天氣亦開始不穩定，

時晴時雨，

大家都要小心身體，

唔好凍親呀!
 

 

西餅蛋糕製作精選實習班三(第三堂)~楊枝甘露蛋糕及芒果西米布甸!

今日呢堂學整~楊枝甘露蛋糕及芒果西米布甸，

賣飛佛呀!

學完呢個蛋糕，

我諗有機會一定整嚟食呀!

大小魔怪生日快樂呀!

 

今日係大小魔怪18歲正日生日!
都係果句啦~大小魔怪記得要孝順父母，
俾心機讀書啦!

 

又嚟...病!

唉，

呢排都唔知撞到D咩嘢，
 

前排咳已經過咗2日苦日子，

以為自己好番啦!

點知今日又嚟喉嚨痛，

唔想睇醫生，

唯有配D藥嚟食!

頭痛醫頭，

腳痛醫腳，

喉嚨痛緊係醫喉嚨啦！

呢度2日藥，

每日四次，

承惠$28。

一盒油雞鴨飯加凍冰紅茶$26，

嘩，

做咩又加咗價架!

2013春季親子旅行!

今日係學校春季親子旅行，

目的地:大埔海濱公園放風箏~科學園食自助餐~錦田鄉村俱樂部!

今次又係跟旅行團去，

我哋老師舒服好多呀!

 

紫菜雜丸米線!

 

唉，

我認我係大懵兼冇手尾，

係學校攞咗個銀包出嚟後，

唔記等放番入袋，

依家身上得幾草嘢，

點算好呀!

冇錢買餸，

唯有食米線啦!

 

蜜味薯仔牛柳粒!

過年時買定好多物資放係雪櫃，

係時候要清清佢啦!

今次清嘅係牛柳!

西餅蛋糕製作精選實習班三(第二堂)~美式Muffin

呢堂係整美式muffin:
朱古力鬆餅、藍莓鬆餅和蘋果肉桂提子鬆餅。
超簡單易整，
仲爆得好靚添呀!

白花釀豆腐!

前日睇中醫，

醫師話我一定要戒凍飲，

唔係就會難好喎!

唉，

我至唔鐘意就係飲熱嘢，

依家要我戒凍飲，

我想死囉!

蒜香肉碎粟米蟹柳炒墨魚麵!

雖然大小魔怪唔使返學咋，

不過點都唔可以俾佢哋留係屋企，

因為太多誘惑啦!(電腦、電視和牀)

佢哋學校鼓勵中六學生返學校課室自修，

間中仲會有老師幫助解答問題添，

我梗係要佢哋返學校溫書啦!

唔使勞氣嘛!

大魔怪早咗返嚟話肚餓，

見你咁乖乖溫書，

等我即炒碟蒜香肉碎粟米蟹柳墨魚麵俾你醫醫肚啦!

18歲，戇居居!

今日朱家大小魔怪開生日會，

我由朝準備到晚就係為呢餐，

大大話話都攪咗11個鐘，

點知唔使30分鐘就俾佢哋13個大人清哂啦！

甜酸牛柳!

呢排行街市，

次次都見到有新鮮菠蘿賣，

唔食齋睇都流哂口水啦!

我又忍唔住買咗一個返屋企食呀!

兩餸+菜飯!(糖醋排骨)

今日係大小魔怪最後一日(中六)返學的大日子。

放學後，

佢哋各自都約咗同學慶祝唔返嚟食飯，

所以今日剩番我哋3位老人家(奶奶、老公和我)食飯咋，

簡簡單單二餸一菜飯~有魚有肉有菜!

下火~冬瓜冬菇瑤柱肉粒咸蛋湯飯!

尋日大魔怪去咗配眼鏡，

兩年嚟佢嘅近視又深咗好多，

差不多有600度近視!

唔係嘛，

深咗咁多，

緊係同打電腦有關啦!

仔亞仔，

生性D好唔好呀!

仲有呀，

大小魔怪成日生痱子，

痛到食唔到嘢，

食湯飯最啱呀!

乾扁四季豆!

其實大小魔怪都係一個唔識照顧自己嘅人，

如果個頭唔係黐係身，


我諗佢哋都會唔見咗囉!

校服、銀包、手機、書等；

今次仲離奇，

大魔怪竟然唔見咗眼鏡呀!

唔係嘛，

戴住都會唔見，

死未!

西餅蛋糕製作精選實習班三(第一堂)~紅豆綠茶鮮忌廉蛋糕!

 

今日我又開始返學啦!

係蛋糕堂上面遇到兩位blog友，

真係好啦!

今日整嘅係紅豆綠茶鮮忌廉蛋糕!

亞sir話個卷蛋要雪一晚先好食；

不過，

有大小魔怪係度，

個卷蛋邊會過到今晚架!

(未雪實真係切得唔靚架!)

泰式紅咖哩金不換炒蜆!

上星期五去九龍城食完泰國菜，

順便去賣泰國食品嘅舖頭買嘢，

朋友仔買咗一袋金不換，

分咗一半俾我，

今日有好嘢食啦!

可惜大魔怪生痱子，

唔食得太辣，

加咗少少紅咖哩咋，

等佢好番，

我要再炒多次嚟食先得!

一豬兩食!

見好耐冇整過咸豬手，

今日就嚟個一豬兩食啦!

煲個蕃茄薯仔紅蘿蔔咸豬手湯，

跟住焗隻蜜糖黑椒咸豬手，

有得食，有得飲，

慳水慳力呀!

魚露煎雞扒!

我喜歡用魚露醃肉~豬扒、雞扒、雞翼。

認住呢樽味露，

我覺得用咁多隻魚露當中，

呢樽唔太咸，

醃肉味道啱啱好架!

呢樽我係賣泰國食品嘅地方買架!

良朋歡聚~九龍城同心泰國菜館!

 

今日我哋4個鐵腳blog友又約埋食飯啦!

我哋去九龍城食泰國菜，

又係呢間同心泰國菜館。