呢排小魔怪成日出街同同學仔食飯，
但佢次次都冇話低唔食飯喎!
咁我咪留飯留餸囉!
點知佢話食飽飽，
激死人啦!
為咗唔想佢出街食咁多味精食物，
亞仔，媽咪又要花D心思，
整返D嘢吸引你先得!
燒全雞翼
材料: 雞全翼8隻
醃料: 豉油、老抽、糖、麻油和黑椒碎
做法: 用醃料醃雞全翼2小時；預熱焗爐200度15分鐘，
用上火焗雞翼背15分鐘，反轉焗面20分鐘。
四季豆木耳炒肉絲
材料: 四季豆、木耳、豬肉、乾蔥蓉、蒜蓉和麵豉醬半匙羹
醃料: 豉油、老抽、糖、麻油、粟粉和水少許
做法: 四季豆斜切出水備用；木耳浸軟切絲；
豬肉切絲用醃料醃半小時；落油炒熟豬肉絲後撈起；
爆香蒜蓉和乾蔥蓉，落四季豆、木耳和豬肉絲和麵豉醬炒勻，
加半碗水焗至汁濃便成。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!