呢個豬肉砵係老公客家名菜之一，
佢哋過年一定食芽菇炆豬腩肉，
又或者呢個豬肉砵；
前幾日睇電視勾起咗佢嘅童年回憶，
仲話好想食添!
做老婆嘅我梗係要做番D嘢啦!
由於我未見過同食過，
真係唔知道係咩嚟o架!
客家豬肉砵
材料: 豬腩肉連皮、陽光豆豉和蒜頭5-6粒
做法: 豬腩肉洗淨抹乾，加豆豉和蒜頭，落鑊蒸1個半小時，
關火焗2小時；再開火蒸1個半小時，關火焗2小時；
如是者蒸和焗多幾次或隔日再蒸焗的話，豬腩肉和皮會變得好鬆化啦!
整呢個豬肉砵係好花時間o架!
要蒸焗好多次，
我昨日已經蒸焗咗3次，
今日又蒸焗多1次；
老公話食落一D都唔覺肥膩，
一夾豬肉和皮已經淋哂，
D豬肉仲吸哂豆豉嘅香味。
我試咗少少咋!
睇見到都有D怕怕呀!
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!