嘻嘻!
今個星期六我唔使返工，
所以明天起一連有3日假期呀!
超開心啊!
個個blog友都話蘿蔔炆牛腩正D，
見雪櫃仲有一包牛肋條，
一於買埋蘿蔔和牛筋，
整番煲嚟食吓啦!
今日我又要留校教手工班，
所以我一返到屋企又要即刻開始炒餸；
好彩依家工人姐姐幫得手，
洗洗、切切和醃肉味道都唔錯，
不過都仲係一支芥花籽油和豉油用一星期囉!
一不離二!
焗咗個芝士香草焗肉醬意粉，
梗係要焗埋個pizza先得啦!
今次要焗得健康，
用咗D三色椒和礦泉水吞拿魚嚟焗pizza呀!
大小魔怪除咗同雞有仇外，
佢哋亦都係芝士怪嚟o架!
每次焗意粉或pizza時，
佢哋都要我舖滿D芝士嚟焗，
仲話落唔夠芝士，
D意粉和pizza唔好味喎!
大小魔怪自從食過我整嘅叉燒之後，
佢哋話以後唔食街買果D喎!
仲話要我日日整D半肥瘦叉燒添!
嘻嘻!見佢哋咁俾面，
一於食過翻尋味先得!
講開又講，
我最鐘意食叉燒頭o架!
燶燶哋，正!
不過今餐我讓咗俾小魔怪食呀!
因為我食梗藥嘛!
雖然食咗幾日中藥，
不過我認衰知衰啦!
呢幾日冇戒口，
又去燒烤，
又飲凍嘢，
所以攪到個病冇咩進展，
仲係流梗鼻水和咳。
今日見口淡淡咁，
於是整個一大鍋五香香菇肉燥，
用嚟撈飯撈麵好鬼正o架!
專登買咗支台灣醬油膏嚟煮肉燥，
感覺好台灣feel呢!
前日的中秋夜，
我去咗姐姐家燒烤呀!
我哋買咗好少嘢食咋!
不過都食唔哂，
唔通我哋細食咗!
姐夫借用現代工具(風扇)起爐，
好正呀!
真係要多謝颱風~凡亞比，
因為佢嘅關係，
俾咗半日時間等我用嚟休息。
不過人就係咁衰，
有咁多時間都唔知道做咩好呀!
唯有落街去百佳逛逛啦!
嘻嘻!又俾我買到條好鬼靚，
又好鬼滑嘅~飛排!
咩係飛排???
即係最最最滑腍嘅排骨囉!
係豬中極品嚟o架!
真係唔易買到呀!
昨日，
我行超市時見到舊梅頭肉好鬼靚，
忍唔住又咗一大舊嚟焗叉燒!
