今日下午約咗朋友仔食韓燒，
我哋揀咗銅鑼灣~漢和韓國料理，
午餐任食$118，
加埋一都係$130，
食物款式多，
唔錯架!
上次BBQ其實好想燒金沙骨架，
不過已經買咗好多嘢食，
所以冇買到囉!
見恨食，
唔燒用焗爐焗嚟食都得呀!
今日提早過冬至，
母親大人、姐姐一家和妹妹一家齊齊嚟過節，
加埋我哋一家齊齊整整11人，
圍埋食飯係最溫馨架!
上次行山係南丫島買咗盒即食櫻花蝦仔，
即食嘅話係會食唔停得口架；
今日用咗佢嚟蒸水蛋，
加咗少少豬肉碎一齊蒸，
咁就更加好送飯喇!
今朝天水圍得8.7度，
雖然大風但好彩勝在有太陽；
小魔怪話好耐冇BBQ，
所以約定姑奶佢哋入元朗舊屋BBQ，
小魔怪食得最盡興，
由頭帶到落尾，
真係食力無窮呀!
前排行超市時，
見鯖魚特價$8.9有1條，
以我咁師奶，
緊係要掃貨啦!
成日用照燒汁煮鯖魚，
今次用鮮蕃茄汁煮，
一樣咁好食呀!
今日真係凍咗好多，
朝早起身得12度左右，
聽講明天及星期五仲凍，
大家記得著多件衫先好出街，
保重身體呀!
今日午餐好簡單，
一碟豉椒炒雞球，
惹味得嚟好送飯呀!
今日用咗現成瑞士汁嚟浸鴨翼；
食鴨翼係唔可以斯文架，
用五爪金龍(即係我對手)揸住食，
咁先食得滋味嘛!
今餐得我哋倆老食飯，
真係唔知食咩好???
摷下冰箱有幾隻雞翼，
咁就食雞翼啦!
今日係屋企有個好重要嘅任務，
就係嚟個夏冬大換季喇!
自知有鼻敏感，
已經戴定口罩保護個鼻，
點知都係中招，
狂打咗起碼有100個噴嚏以上，
之後鼻水長流，
急急食藥休息，
瞓醒又再執過呀!
好彩今次有小魔怪幫手換季，
抵錫呀!
早早炆定個羊腩煲，
食完肯定成身暖笠笠呀!
