今日整呢個紅燒肘子,
我用咗普通家庭有嘅調味料,
非常簡單啊!
自上次俾人投訴我煲嘅臘味飯少臘味後,
今次一於攪大兼打孖嚟,
孖臘腸孖膶腸1隻臘鴨髀,
加埋1/3冬菇馬蹄肉餅,
整個大埋頭臘味煲仔飯先得!
睇吓你哋仲有冇投訴呀!
(俾少少幻想力,似唔似個人係度笑梗呀!)
大魔怪嘅近視由250、350、400,
升到新高425啦!
都係果句啦:
亞仔,唔好再咁近用電腦啦!
好壞眼o架!
又係跟週日星島送嘅食譜整咗呢個餸,
簡單又易整。
近排見blog友整芝士蛋糕係用Oreo底,
我未試過喎,
睇落好似好好味道咁,
襯上星期六得閒少少,
咪整個嚟食吓囉!
點知雪完之後,
個oreo餅底好鬼濕,
而且中間好creamy,
好似糊仔咁呀!
超超超失敗......
雖然昨日鼻敏感又發作,
不過帶住口罩我都要再整多次o架啦!
問過幾位高人意見後,
再接再厲,
希望今次成功啦!
今日鼻敏感又發作,
好辛苦呀!
一起身連打十幾個噴嚏,
D鼻水又不停咁流;
唔單只我,
連大魔怪都開始作病,
又咳又流鼻水,
好似仲嚴重過我添!
老公即刻去藥房配咗隻超難食嘅咳藥水俾佢食,
希望唔使睇醫生啦!
今日整呢個咖哩雞,
小魔怪話想食好耐,
佢話要食有椰汁味,
要杰身果種咖哩,
最好似大家樂大快活果D喎!
亞仔,你老豆即我老公,
又話唔鐘意椰汁味o架!
你叫我點算好呀???
今日諗住整煲好嘢俾老公和大小魔怪食,
點知......
佢哋話~D臘味太少,
唔夠多呀!
喂!聽講你哋每人食咗3-4碗飯,
仲話少!
孜然嘅味道唔係人人鐘意,
老公就係其中一個,
佢連香草都話接受唔到喎!
不過我一於少理,
照煮!
天氣凍,
好想食D濃味餸。
今日我揀咗南乳蓮藕花生炆豬手。
我可以唔食豬手,
但一定要裝碗大飯,
撈埋南乳汁,
食哂D花生和蓮藕囉!
前幾日夜晚,
老公突然問點解呢排我咁得閒,
好似好耐冇焗蛋糕喎!
唔係喎老公,
你又話係街買好過自己整,
依家係咪好掛住我~~D蛋糕先???
前日有25-26度,
昨日都有21-22啦!
今日得番15度,
好彩冇想像中咁凍;
不過昨晚老公鼻敏感發作,
朝早4點幾不停打噴嚏嘈醒咗我,
好慘啊!
今日凍凍哋,
大小魔怪一齊話想打邊爐,
我買咗近期至愛~嚮鈴!
仲有成枱嘢食,
食完有D熱添!