香煎蓮藕餅

 

好耐冇整過蓮藕餅，

今日買咗2節蓮藕，

攞咗其中一節嚟整蓮藕餅呀!

呢份我加咗一隻大冬菇落去(切粒)，

一碟有8件。

材料: 蓮藕1大節、豬肉碎1斤、蝦米3湯匙、蛋1隻

調味: 豉油1.5湯匙、蠔油1湯匙、鹽1茶匙、糖1茶匙、生粉3茶匙、

胡椒粉、麻油

做法: 蝦米浸軟略切碎；蓮藕去皮刨絲後(渣乾少少蓮藕汁)，

將蓮藕絲放入大碗中，加入豬肉碎、蝦米、雞蛋和調味攪勻，

放入雪櫃雪1小時；燒熱易潔鑊落多少少油，

將蓮藕豬肉餅用手搓成餅(記得唔好搓咁厚~難熟)，

用中細火慢慢煎一面金黃色後(定形)，再反轉煎另一面，

至兩面金黃色便成。(其間可能要反轉蓮藕餅2~3次)

~今次我將蓮藕餡料分咗2份，一份加咗冬菇，一份就冇加呀!

大家可以入嚟Facebook讚下我新開嘅Fans專頁呀!

雀后(添飯)Facebook Fan Page