芥菜咸豬腱墨魚丸湯

今日8號風球，

打亂咗我上午專科覆診時間，

上次打風已經改咗一次期，

明天又要打去專科門診再約過新期喇!

屋企冇菜，

叫老公去買菜，

佢話唔知買咗咩菜返嚟，

原來佢買咗大芥菜；

大芥菜煮咩好，

摷下冰箱有舊咸豬腱和墨魚丸，

再加清雞湯滾咗個簡易湯水，

都唔錯架!

材料: 大芥菜1棵、咸豬腱適量、墨魚丸7粒、薑絲、清雞湯500ml

做法: 大芥菜切段；咸豬腱(切片)和墨魚丸解凍；

將清雞湯、薑絲和2碗水加入煲內煮滾，落咸豬腱和芥菜莖滾10分鐘，

再加墨魚丸和芥菜葉滾多5分鐘，按個人口味落胡椒粉和鹽調味便成。

~咸豬腱係上次煲湯剩咗嘅，我落咗少少鹽醃咸佢，

咁隨時都可以用嚟煲湯煲粥都得呀!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page