粉絲蝦煲

雪櫃冰箱仲有10隻大蝦，

所以今日要清嘅係蝦；

我哋一家都鐘意食粉絲，

加埋棵娃娃菜落個煲仔度，

呢個粉絲蝦煲就更豐富啦!

材料: 蝦10隻、粉絲適量、娃娃菜1棵、蒜蓉、乾蔥蓉、

蔥粒、辣椒仔2隻(切粒)、麻油少許

醃料: 鹽少許、胡椒粉少許

調味: 蠔油1湯匙、豉油1湯匙、老抽少許、鹽半茶匙、

糖1茶匙、水3湯匙

做法: 急凍蝦解凍後，去蝦眼、鬚和挑蝦腸，並係蝦背界一刀(易入味)，

落醃料醃15分鐘；粉絲浸軟後剪半；娃娃菜洗淨瀝乾水份；

蒜蓉、乾蔥蓉和辣椒粒放入碗中，贊入熱滾油後，加入調味拌勻；

燒熱油鑊煎蝦兩面至7成熟後盛起；

將娃娃菜、粉絲舖在煲內，加入蝦和淋上調味，再加少半碗水，

煮至收汁後，灑上蔥粒和淋少許麻油係面便成。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page