涼瓜排骨

上星期炒咗碟豉汁涼瓜，

老公和我一舊都冇食到，

就已經俾母親大人和妹妹食哂喇，

估唔到佢哋咁鐘意食苦瓜，

早知就炒多D啦!

唔怕，

今日我煮咗碟涼瓜排骨補數，

有豉汁撈飯正呀!

唉老人病又發作，

唔記得落切咗嘅洋蔥片一齊炒，

咁D洋蔥唯有留番聽日食啦!

魚露雞翼

雞翼，

真係點煮都咁好食架!

今日就用咗魚露嚟醃D雞翼，

咸咸香香，

好鬼惹味架!

馬來西亞肉骨茶

小魔怪至愛馬來西亞肉骨茶，

襯今日佢返嚟食晚飯，

緊係要煮番煲靚湯俾佢嘆下啦!

自己煲肉骨茶同小魔怪係馬來西亞食到嘅，

唔知分別大唔大呢???

粟米燴豬扒

小魔怪話想食D多汁，

又可以用嚟撈飯嘅餸喎!

唔使講喇，

呢碟粟米燴豬扒肯定滿足哂佢所有要求啦!

冬瓜袪濕湯

冬瓜袪濕湯，

有清熱袪濕袪水腫消暑等功效，

呢包袪濕料係大型連鎖店買，

只要買舊冬瓜返嚟加落去一齊煲就得!

可加肉煲成湯，

又可以加塊片糖落去煲甜湯，

仲有一個飲法就係唔落肉又唔落糖，

就咁煲成水飲都得!

歐式麵包中班~第三、四堂

第三堂學奧地利三重芝士麵包&法式奶油小麵包

亞sir知我哋心意，

加咗塊豬柳扒俾我哋，

小魔怪話呢堂D麵包超級好食呀!

韓汁燒茄子

我好鐘意食幼身茄子，

細細條易煮熟又易入口，

今次加咗少少韓式燒汁做調味，

呵呵呵，

好惹味啊!

花椒雞

花椒雞，

一道咸咸香香嘅餸菜；

今次只係落咗少少花椒粒嚟醃雞髀肉，

下次可以再加多少少，

味道會更濃香一點啊!

香菇咸肉菜飯

今日煮有味飯~香菇咸肉菜飯，

簡單好味又易做，

飯味咸咸香香，

真係會添多幾碗飯架!

粉絲蝦煲

星期日嘅生日宴裡面，

最最最受歡迎係呢個粉絲蝦煲，

而且蝦煲裡面嘅粉絲竟然成為搶手貨，

一早被人清哂喇!

自製燻蹄

話說上星期六，

我係百佳超市嘅肉檔買咗隻新鮮豬手和豬腳，

肉檔亞姐超好人，

幫我將隻豬手多肉部份起咗舊骨，

其餘豬手和豬腳就幫我斬件；

豬手豬腳就用嚟煮鹵水，

豬手肉就用咗嚟整燻蹄喇!

預祝生日快樂

雖然仲未到我嘅生日，

但因為大家入到嚟天水圍聚會，

所以母親大人和姐姐妹妹一家，

順便幫我慶祝生日呀!

沙拉骨

今日整沙拉骨，

整就差不多用咗一個鐘，

但食就唔使10分鐘，

小魔怪食到lam lam脷，

仲話今次骨多過肉，

下次整想食多D肉喎!

冬瓜薏米瑤柱排骨湯

呢排我真係懶咗少少，

平日滾湯多煲湯；

但今次見到菜檔有D迷你冬瓜賣，

於是買咗個番嚟，

其中一半用咗嚟煲湯喇!

牛油蒜蓉雞翼

呢碟超級邪惡嘅牛油蒜蓉雞翼，

係唔可以成日整嚟食架!

因為會食到唔停得口，

越食越想食呀!

蟲草花冬菇雲耳蒸雞飯

好耐冇整煲仔飯，

噚晚見朋友仔整嚟食，

今日即刻照跟；

小魔怪食埋午餐先返工，

佢話如果加埋條臘腸就更加正喇!

歐式麵包中班~第一、二堂

新一個麵包課程又開始啦!

今次連post兩堂，

第一堂學整牛奶鄉村健康包&低糖孖寶芝士包

廣州3日行

上星期六，

我哋一行十人齊齊返廣州探望叔父大人；

我哋由深圳坐和諧號返廣州，

大約1小時15分鐘就到啦!

未去探叔父大人之前，

我哋緊係要搵嘢食醫肚先啦!

呢餐食咗414人民幣，

味道唔錯架!

韭菜炒雞蛋

買到新鮮本地種嘅韭菜，

超嫩冇渣，

加埋幾隻雞蛋，

咁就成為一碟超級便宜嘅家常菜啦!

鮑汁花生雞腳

今日清理雪櫃時，

俾我摷到有支鮑魚汁係度，

見到就令我諗起鮑汁花生雞腳喇!

去親茶樓飲茶時，

我哋都會叫鮑汁花生雞腳嚟食，

但每次都係份量少少價錢多多呀!

唯有自己煮先會慳好多架!

照燒比目魚

呢排我都幾鐘意食比目魚，

貪佢冇咩骨呀!

除香煎外，

照燒比目魚都唔錯架，

個汁咸咸甜甜，

送飯一流啦!

歐式麵包製作精選實習初班~第九、十堂

呢兩堂麵包班完結咗好耐，

新堂上星期已經開始咗喇!

第九堂學整英式伯爵茶幼麥麵包&白橙粒粒朱古力榛子包

柱候蘿蔔金錢肚牛筋腩

小魔怪終於係馬來西亞返咗嚟啦!

返嚟之後，

佢又要好勤力咁工作喇!

為咗儲錢再飛過去探女朋友仔，

佢話明要慳錢，

所以嚟緊日日都會帶飯返工，

有咩好餸可以帶飯???

我又要開始諗諗先得喇!

青瓜炒蝦仁

今朝晨早6點左右就俾老公叫醒，

捉埋我落樓下公園齊齊散步晨運，

行咗大約一個鐘，

出咗一身汗，

睇嚟老公想早D試下退休後嘅生活，

健康人生準備開始啊!

今晚呢碟青瓜炒蝦仁，

係一個簡單易做嘅家常菜嚟架!

檸檬雞翼

前排老公買咗5個檸檬返屋企，

已經沖咗幾日檸水和檸茶，

今次就用檸檬嚟煮雞翼，

酸酸甜甜都幾惹味架!

香炸江魚仔花生

小魔怪女朋友仔媽媽知道老公和我都鐘意食炸魚仔，

所以係馬來西亞市場買咗包江魚仔送俾我哋；

返到嚟緊係要即刻開工整嚟食啦!

炸江魚仔功夫比較多，

首先要逐條魚仔去魚頭和挑內臟，

然後洗乾淨用廚紙索乾水先落鑊炸，

最後炸到香香脆脆就可以撈起喇!

加埋我係惠州買嘅炸花生，

用嚟送粥送麵，

簡直一流呀!

2018馬來西亞輕輕鬆鬆之旅~第七、八日(完結篇)

7月23日(星期二)

今日要離開檳城返巴生了，

大約四小時左右車程，

唔講咁多，

緊係要先醫飽個肚先出發啦!

今次又係嚟景貴街，

2碟炒粿條、亞參咖沙、咖哩麵(超好食)，

未夠喉，

再叫多碗咖哩麵、珍多冰和炸雜錦。