山竹牛肉!

呢篇係打尖post嚟架!

因為噚日係蛋糕班度買多咗牛肉整咖哩酥皮牛肉角，

所以就做咗今日嘅山竹牛肉啦!

整呢個山竹牛肉真係唔可以對佢斯文架!

下下都要大大力撻和攪，

咁D牛肉先至滑，

真係攪到手軟架!

 

材料: 牛肉500g、馬蹄4粒、蔥2棵、果皮一小塊、

炸腐竹一包、3-4湯匙水(我冇加肥豬肉粒和芫茜呀!)

醃料: 豉油1.5湯匙、鹽1茶匙、糖1茶匙、粟粉2茶匙、

麻油1茶匙、油1湯匙、水6湯匙

做法: 牛肉用醃料醃半日或隔夜；果皮浸軟去囊切碎備用；

蔥切粒備用；馬蹄切碎備用；腐皮浸軟瀝乾水份；

準備一個大碗放入牛肉、馬蹄粒、果皮碎，

用手快速攪勻，撻撻D牛肉，

重覆呢個動作大約20分鐘左右，

過程中記得加3-4湯匙水落D牛肉度，等佢吸收水份呀!

加入蔥粒攪勻後，放入雪櫃雪1小時；

取出用手唧出圓球狀，

放在墊有腐皮嘅碟上，

用大火蒸8分鐘左右便成，

點埋喼汁食就very good啦!

 

 

大家可以入嚟Facebook讚下我新開嘅Fans專頁呀!

 

雀后(添飯)Facebook Fan Page