客家釀豆腐卜!

係惠州家鄉，

食咗一個好好味嘅客家釀豆腐卜，

好香好香，

咩咁香???

就係佢加咗乾蔥和咸魚啦!

返嚟啦!

 

返咗中國一日半，

落足一日半雨呀!

我哋一行10人去咗惠州博羅睇地，

因為大伯和老公想尋根喎!

眼前一遍雜草，

就係佢哋想起屋嘅地方啦!

不過仲要傾好多細節，

都唔知幾時先起到一間屋，

起完都唔知會唔返去住呀!

長洲行!

 

今日同學校同事一齊入長洲逛逛，

十二個大人和二位小朋友，

天氣都唔錯，

行咗一陣就去食飯啦!

午餐入咗間叫潮發嘅酒家，

食咗以下食物，

埋單$1026呀!

點知食完飯後開始落雨；

我哋繼續向海灘方向再行，

又食咗個豆沙餅和去海灘附近茶座飲嘢，

咁就出番香港啦!

出番香港後，

我哋行咗一陣IFC，

就求求其其搵間泰國菜館食晚飯呀!

除咗2碟菜外，

其餘餸都係打孖上，

好似食咗$16XX，

都幾貴呀!

 

 

 

 

大家可以入嚟Facebook讚下我新開嘅Fans專頁呀!  

雀后(添飯)Facebook Fan Page

 

海蜇燻蹄&合拿瓜紅蘿蔔螺頭蜜棗咸豬手瘦肉湯!

雪櫃隻咸豬手成日阻著我攞嘢，

又要我塞番佢入去，

都係時候消滅佢，

咁就冇阻定啦!

木糠布甸!

忙忙忙!

我都唔知點解咁忙，

一大朝早就攪到身水身汗，

就係整呢個木糠布甸!

第一次整都有少少攪笑嘢o架!

一)忌廉打咗好耐先成形；(我有諗過放棄o架!)

二)D忌廉和餅乾碎畢得唔夠靚；

三)原來攪咁耐都係得8杯；

不過假假哋杯杯木糠布甸都有七層o架!

依家將佢雪返三五七個鐘後，

應該食得掛!

孖Tea~囍宴&金鳳!

繼上次團購南丫島海鮮餐次後，

lonely又用咗$36買咗呢個tea餐呀!

出席有lonely和囡囡、sand sand、bigheadMable@草和我。

1碗擔擔麵、2隻雞翼、1杯菊花蜜和1個雪糕，

埋單加埋一每人$50，

比正價平一半，

不過份量就唔係咁多啦!

總結，

最最最好味係豆腐雪糕。

食完lonely和囡囡走先，

因為囡囡病咗兼眼瞓；

嚟到灣仔咁遠，

又食得咁少嘢，

梗係要再嚟tea啦!

今次去金鳳茶餐廳食馳名雞批和蛋撻，

仲有好好飲嘅奶茶；

睇到呢個告示，

好攪笑呀!

食飽飽後，

又要返歸啦!

拜拜!

 

 

 

 

大家可以入嚟Facebook讚下我新開嘅Fans專頁呀!  

雀后(添飯)Facebook Fan Page