今晚晚餐食家鄉米粉~雞蛋肉碎炒米粉，
炒咗4個惠州買返嚟嘅河源米粉，
米粉口感係爽口彈牙的，
用咗菜芯、豬肉碎和雞蛋炒勻就食得，
簡簡單單又一餐啦喂!
平時我和老公兩個人食嘅午餐，
有冷飯就炒飯食，
冇冷飯就會煮粉麵嚟食，
今餐就煮咗菜遠牛肉炒河粉，
加少少辣椒醬拌勻嚟食，
好惹味架!
真係好耐冇煲過青紅蘿蔔湯，
大家都明白點解(明嘅就明啦)!😢😢😢
今日買齊材料煲呢個朱家家常例湯，
加埋花膠仔和螺片，
升級版青紅蘿蔔湯出爐喇!
8月26日星期六，
中午2點左右，
我和老公兩個人趕返惠州，
攪埋新屋裝修D手尾，
當日經羅湖口岸過關超多人呀!
返到惠州匯合姑奶佢哋，
4個人去搵食啦!
男人的浪漫~冬菇豆腐炆火腩，
唔單只男人鐘意食，
哈哈，
我係女人都鐘意食呀!
今晚煮咗碟絲瓜炒潮州魚卷，
清清哋都唔錯架!
我好鐘意食絲瓜，
清甜又爽口，
夏天食就最啱喇!
我落咗少少鹽和糖調味，
非常簡單又好味道呀!
今日又係家常便飯篇，
馬拉盞炒通菜、
馬蹄土魷蒸肉餅、
香煎三文魚，
簡簡單單又一餐啦喂!
今日七夕情人節，
煲咗個甜甜蜜蜜嘅湯水，
菜乾羅漢果煲豬腱，
秋天天氣乾燥，
飲番碗潤喉湯水，
特別好味道架!
噚日星期日，
我哋又返惠州喇!
姑奶之前幫手買咗部份傢俬，
但我哋主人房嘅床仲未買，
所以噚日就返咗惠州買傢俬。
今日下午5點左右，
小魔怪話返嚟食飯，
拿拿臨摷下雪櫃有咩食材先得!
攞咗2塊雞扒出嚟解凍，
用日式炸雞粉醃咗一陣，
就用氣炸鍋炸一炸佢，
油都唔使落一滴，
好快有炸雞食，
快靚正!
好味道呀!
