台中，我嚟啦!

 

今日我又撇低老公和大小魔怪，

 

同母親大人、姐姐、姨甥、妹妹、妹夫和祈祈BB一行7人，

 

齊齊跟團去台中玩4日；

 

祈祈BB不知幾開心，

 

噚晚夜夜都唔瞓，

 

拉著個喼通屋走，

 

亢奮到傻咗呀!

 

 

鹽焗雞膇

今日落街買餸，

 

兜咗好耐圈都唔知煮咩好，

 

見有雞膇賣，

 

買咗幾隻焗嚟食算啦!

 

 

元朗CEO K~Lunch

 

講番噚日同舊同事唱K兼食lunch，

 

真係好抵玩，

 

6 人以上訂房，

 

平日一至五可以由早上10點唱到下午3點，

 

仲包一個lunch和1杯飲品添!

 

每人都係$60加一即$66；

 

我哋話下次唔使約食飯，

 

嚟呢度唱K就最啱，

 

有得食又有得唱，

 

最緊要係冷氣夠凍，

 

仲有獨立廁所，

 

咁平靚正嘅地方，

 

邊度搵呀!

 

 

柱候牛筋展炆薯仔

 

今日約咗舊同事唱K兼食lunch，

 

所以一早炆定煲牛展；

 

等返到屋企加埋其他料再炆多陣，

 

好快手又攪掂一餐囉!

 

魚露煎雞扒

 

今朝小魔怪一早起身返學，

 

仲話唔返嚟食飯添!

 

點知中午突然間返嚟問有冇嘢食，

 

好彩我早有準備，

 

好快有得食架啦!

 

哈哈，

呢排日日都用個玫瑰鍋煎pan煎嘢，

 

今次又用佢嚟煎雞扒，

 

太好用啦! 

菠菜素餃子

 

自大魔怪為環保而轉素食後，

我哋一家都開始多菜少肉，

間中我仲會包素餃子當主食，

今日包咗菠菜素餃子，

配埋個蕃茄薯仔湯底，

食到大魔怪話好飽呀!
 

 

涼瓜菜脯煎蛋餅

今日又用新玩具啦!

越來越鐘意用呢個pan，

煎蛋唔使落油又唔黐鑊，

非常健康!

XO醬豉油皇炒腸粉

 

噚日攞到手嘅新玩具(韓國玫瑰鍋Chef~Topf)，

 

今日緊係要即刻試用啦!

 

整咩???

 

就係超簡單但勁好味嘅XO醬豉油皇炒腸粉啦!

 

一滴油都冇落，

 

唔黐底，

 

易清洗，

 

好用呀!

 

 

 

 

我的新玩具~韓國玫瑰鍋 chef~topf

工欲善其事，

必先利其器!

我的新玩具到手了，

又有排玩啦！

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page

茶葉蛋

兒時回憶之一~茶葉蛋；

平時大小魔怪已經好鐘意烚雞蛋食，

今次整茶葉蛋喎!

簡直係佢哋至愛啦!

本來我想浸耐D架，

不過佢哋係咁問食得未，

呢個蛋浸得一個鐘頭咋，

好彩D花紋都仲好出，

下次真係唔好太心急食呀!