今日行街市見到有香茅賣，
5蚊有3支，
拿拿臨買番屋企整香茅雞翼&豬扒先得!
第六堂~狗形栗子忌廉蛋糕，
哈哈，
一個唔似狗形嘅蛋糕出世啦!
今餐又係得我兩佬食晚餐，
小菜一碟青椒炒肉絲，
簡簡單單又一餐啦喂!
靜靜話俾大家知，
梅頭豬肉買咗三十蚊全部切絲(今餐炒咗半份肉絲)，
青椒仔係菜檔買開菜，
平平哋5個收我2蚊雞，
碟餸成本都係$17咋!
今餐係咪好抵食呢!
噚日煲咗鍋香芋椰汁紫米露，
姐姐和小魔怪都話好好食，
我鐘意佢唔太甜，
食落有椰汁和芋頭嘅香味，
黑糯米又有益，
最啱女人用嚟補身架啦!
大小魔怪好乖仔，
為咗慶祝老公榮休及登陸晚宴，
今日出錢又出力為老公擺咗2圍，
宴請親戚朋友呀!
老公放假後開始執屋，
摷下摷下發現咗有2扎雞骨草係屋企，
哈，
俾佢見到就一定要做嘢啦!
即刻拿拿臨煲番煲去肝火嘅涼茶先得。
老公正式放假嘅第一天，
唔使返工緊係會瞓到自然醒啦!
係屋企行行企企，
執下office帶返嚟嘅嘢，
咁就一個上午喇!
下午做咩???
佢去咗圖書館睇佢至愛嘅金庸小說，
開始過佢嘅中年亞伯嘅生活啦!
今日煮咗呢碟豉汁涼瓜煮鯇魚腩，
係老公至愛餸菜之一呀!
成日有人問，
雞腳和鳳爪有咩分別，
雞腳有長柄連骨的，
多數用嚟煲湯和炆都得；
而鳳爪比較短少剩腳掌和4隻爪，
用嚟炆鮑汁花生鳳爪就最正喇!
由明天開始，
老公終於放退休前大假啦!
正式退休係11月，
呢個悠長假期，
搵D咩做好呢???
4月21日(星期日)
都唔知好彩定唔好彩，
連續2晚半夜都俾人襟門鐘，
我都費事理佢，
繼續瞓覺囉!
今日朝早食住杯麵先，
一陣先出去搵嘢食呀!
