芒果布甸!

年年母親節，

我都會整一個甜品請自己食，

今年亦唔例外啊!

用咗一個新嘅食譜整芒果布甸，

好味道呀!

豆腐魚肉煎餅!

噚日大魔怪嘈生哂話個printer唔郁，

冇得做功課；

今日我攪咗半日先知部機原來係冇墨，

即刻去買啦，

原來原廠墨好貴o架，

差少少就可以買部新機，

唔係嘛!

最後我選擇用較平嘅代用墨，

壞機就買過部新機啦!

今餐要慳錢，

食豆腐呀!

苦盡甘來~豉汁涼瓜炒排骨!

吃得苦中苦，

方為人上人。

今晚，

我哋一家做咗人上人呀!

香茅雞翼!

唉，

之前種開嘅香茅已經瓜哂，

我已經隔兩日淋水o架啦，

佢都乾過我個荷包，

都唔知點解呀???

都係買幾枝番嚟用算啦!

麵包製作精選初班(第三堂)

今日呢堂學整4款麵包，

雞尾包、墨西哥包、粟米咸牛肉包和士的包!

咪話喎，

熱辣辣啱啱出爐嘅麵包真係超好味道，

不過睇見製作過程平均每人食咗113.5g牛油，

真係唔知點算好囉!

賀賀賀~咸牛肉卷&蒜蓉包!

 

今日係母親大人慶祝生日的大日子，

正日唔係今日o架!

因為我哋三姐妹各有各忙，

唯有推遲到今日先嚟同母親大人慶祝啦!

同時，

我哋會先去拜祭在天上的父親大人呀!

而我就一早整咗咸牛肉卷和蒜蓉包，

帶俾大家做下午茶呀!

 

腐竹洋薏米雞蛋糖水!

唔知係咪人病會易D"瞓厲頸"呢???

今日條頸痛到彎唔到腰，

但我又要彎低身照顧小朋友，

攪到我次次起身都好似大肚婆咁托住條腰，

痛死人咩???

今日煲咗腐竹洋薏米雞蛋糖水，

本來想加埋白果o架，

點知拍開粒粒都乾哂，

(我放咗入雪櫃呀!)

惟有下次先加啦!

呢個糖水，

大家鐘意熱食定凍食呀???

紫菜三寶米線!

今日唔想食飯，

所以煮咗一大鍋米線嚟食呀!

加埋老公係南丫島買嘅豆瓣醬，

唔太辣，

但出身汗，

好味道，

連鼻塞都通埋呀!

我要維他命C呀!

踏入5月份，

我哋一家都病哂，

個個鼻水長流，

傷風呀!

大小魔怪呢排胃口都唔係咁好，

所以今日我煲咗個蕃茄薯仔甘筍支竹排骨湯，

用嚟做湯飯都唔錯呀!

飲多D湯增加維他命C，

咁就可以抗病菌啦!

實習~紅莓辮子包(四手辮)!

 

噚日學咗整辮子包，

今日即刻要實習一下，

唔係我驚唔記得點整呀!

其實唔太難，

可惜我手指唔協調而且唔識鬢辮，

所以鬢得好醜樣呀!

祈祈BB，

妳今日有口福啦!