酸甜京都豬扒!

今日係年廿八洗邋遢，

我、老公和工人姐姐合力大掃除，

每人負責清潔一部份，

咁就唔使咁辛苦啦!

我負責將D烹飪書和物資用個膠箱裝起，

咪睇咁少嘢，

其實係我個廚櫃已經爆滿，

要搵地方安置佢哋，

仲有一箱出前一丁添!

 

頭啖糕!

 

今日係年廿七，

係我放假的第一日；

晨早7點半落街市菜檔買蘿蔔和菜，

嘩，

使唔使咁誇張呀，

竟然已經有50-60人係度排隊俾錢，

唔使錢咩???

我排隊俾錢都排咗半個鐘，

個個人都好聰明攞埋手推車去買餸，

咁重點攞呀???

今日我整呢個蘿蔔糕，

簡簡單單，

勝在有我嘅愛心係哂裡面；

啱啱蒸出嚟嘅頭啖糕，

正，

因為我落好勁多胡椒粉呀!

菜脯煎蛋餅!

 

返埋今日終於放農曆年假啦!

幾時返工???

嘻嘻，年初十呀!

開心!

不過我都唔係好得閒，

因為聽朝我要早D去街市買蘿蔔整蘿蔔糕!

至於今餐呢，

嗱，

呢D唔係打斧頭，

係想食得清淡啫!

今次真係好手勢，

一次過反蛋冇爛呀!

 

魚露炸雞翼!

 前日炸腰果用咗咁多油，

梗係唔會嘥咗佢啦，

攞多少少油，

用半煎炸方式，

整咗呢個魚露炸雞翼，

送酒就最啱啦!

 

我的寶貝~炸腰果!

 

話就話要食得健康，

但鐘意食腰果嘅朋友，

一定覺得用油炸嘅腰果特別香口；

係新年期間，

用佢嚟招呼朋友就最啱啦!

簡直係送酒佳品呀!

炸腰果亦都係大小魔怪嘅至愛之一，

我要搵個安全的地方，

收埋我嘅寶貝先得!

妳哋估我收埋咗係邊度呢???

生日會&團年飯!

今日好忙呀，

連走幾場；

首先係同blog友飲茶，

Lonely送咗個財神俾我哋，

而好子就每人送咗一盒自製年糕俾我哋呀!

跟著就係參加Callia 4歲生日會，

祝Callia 生日快樂呀!

香草黑椒雞扒拼炸魚柳意粉!

今日晨早9點去整頭髮，

染髮兼焗油，

一張大牛咁就冇咗啦!

整完頭髮，

又要同工人姐姐夾手夾腳執廚房廚櫃，

將兩年冇用過嘅嘢全部唔要，

竟然俾我摷到一盒過期2年嘅冰糖，

唉，

又嘥哂D錢啦!

以後要勤D睇睇個廚櫃物資先得!

好攰呀，

今餐求求其其食意粉算啦!

 

碗仔翅!

大魔怪自從升中之後，

每次飲宴都唔食魚翅，

佢話挽救野生生物喎；

咁又係，

唔食魚翅，

食粉絲都得掛???

 

蘭花鳳翼!

係呢個咩嘢都貴嘅時代，

做家庭主婦就最頭痛啦!

又要慳家，

又要家人食得飽肚，

真係要花D心思o架!

點慳法???

我係每次買雞翼都留起幾隻，

儲儲埋埋10隻左右就可以煮一餐餸o架啦!

加埋西蘭花墊底，

大大碟，

都可以上得吓枱o架!

我仲改咗個好令令嘅名添~蘭花鳳翼!
 

 

蜜汁叉燒拼海蜇!

 

噚日係尾禡，

即係代表仲有半個月就過年，

睇怕我都要開始辨年貨啦!

唉，

依家D物價咁貴，

都唔知買咩好囉!

好在百佳呢排D豬肉平番少少，

可以慳到唔少錢呀!