扮鬼佬，食西餐!

老公今晚又有應酬，

所以可以轉轉煮意，

炒意粉和焗雞翼，

加埋個罐頭湯，

係咪好似扮鬼佬，食西餐呢???

祈祈BB，雙滿月之喜!

今日，

妹妹妹夫為祈祈BB

擺雙滿月酒的大日子；

我哋一家大細梗係會早D到啦!

早到十點幾已經去到妹妹家，

母親大人已經染好哂D紅雞蛋，

好耐冇食過啦!

好想偷食一隻添!

(附上祈祈BB嘅近照)

咖哩魚蛋魷魚鬚!

今日我屋苑會洗水缸，

預咗下午會有幾個鐘冇水o架啦!

所以一早儲定D水，

仲快快手洗和醃定D餸添!

點知到咗4點左右，

忽然間連電都冇埋，

唔知發生咩事，

即刻打俾管理處問問，

佢哋都話唔知咩事，

要了解情況喎!

冇得上網和睇電視，

做咩好呢???

嘻嘻!

整咗呢個食囉!

咖啡朱古力粒蛋糕!

昨晚大小魔怪又嘈食宵夜啦!

咁啱工人姐姐又提我有盒鮮奶就嚟到期，

唔使諗咁多，

一於整蛋糕啦!

鮑汁花生鳳爪!

飲茶時，

我都好鐘意叫呢個小食， 

不過又係超貴囉! 

1碟得6-8隻鳳爪和幾粒花生， 

賣成28蚊， 

賺死佢哋啦! 

都係自己整化算D呀!

冬瓜冬菇瑤柱肉粒咸蛋湯!

今日天氣熱到CC吓，

起碼超過30度呀! 

真係唔係咁想食嘢； 

食咩好呢??? 

呢個好可能係唔錯嘅選擇!

麥記早餐!

連續3個星期六嘅朝九晚五的返工日子， 

終於完成了， 

好攰呀! 

昨日一早和同事去M記食早餐， 

好飽，好滿足啊!

芝味餐~芝士焗肉醬意粉!

大小魔怪係芝士狂，

落咁多芝士去焗意粉都話唔夠， 

嘩嘩嘩! 

我已經落得好重手o架啦! 

再多芝士仲點食落肚呀??? 

一兜意粉唔夠食， 

要整夠2兜佢哋都清得哂呀! 

仲加埋個脆皮芝士腸，

仲唔肥死你哋!

柚子蜜豬扒!

呢兩日咁鬼熱，

我鐘意沖定D柚子蜜放入雪櫃，

放工返嚟飲番杯，

好爽o架!

除咗沖嚟飲，

柚子蜜都可以做餸o架!

蜜糖焗雞翼!

一個原始嘅醃法，

做出一個唔簡單嘅雞翼， 

一家大細食得滋味， 

我嘅心情都靚D呀!

蜜糖焗雞翼

材料: 雞翼2磅、蜜糖2-3茶匙(燒烤蜜糖)、蒜蓉

醃料: 豉油、老抽、糖、粟粉、麻油和紹酒

做法: 雞翼解凍後用醃料和蒜蓉醃2小時或以上；

預熱焗爐200度15分鐘，將雞翼放入焗40分鐘，

每20分鐘反轉面再焗，最後8分鐘搽蜜糖係雞翼面。

 

大家可以入嚟Facebook讚下我新開嘅Fans專頁呀!  

雀后(添飯)Facebook Fan Page