話說我同老公講我未去過鴨脷洲，
襯今日和明日搭港鐵有半價優惠，
老公就帶我去鴨脷洲行下喇!
老公用樂悠咭$1搭港鐵由天水圍去利東，
而我就用咗$14.3呀!
原本老公想行鴨脷洲玉桂山(B出口)，
但我哋冇帶行山杖又冇手套，
所以唯有望人哋行上山頂算喇!
再落番地鐵A出口行去海旁，
吹吹海風都幾舒服架!
行下洪聖古廟，
睇下昔日漁民雕像。
午餐就嚟金寶食炒粉麵飯，
豆腐班頭腩飯+豉椒牛肉炒麵+凍檸茶，
承惠$135。
老公話食飽飽後想行下喎!
佢建議行下鴨脷洲橋，
由鴨脷洲行去香港仔方向，
再行去黃竹坑站搭港鐵返天水圍；
今次買咗少少手信咋!
就係中式糕點喇!
有花生糯米糍、老婆餅、合桃酥和砵仔糕，
全部合共$38。
鴨脷洲街市食海鮮唔錯。
回覆刪除我哋有行上去睇呀!不過係食飯時間，超級多人呀!
刪除