蕃茄雞蛋燴牛肉碎

 

3個月冇整過頭髮，

我D白頭髮麵標哂出嚟喇!

今日花咗3個半鐘頭整頭髮呀!

返屋企前買咗個腸粉餐$18做下午茶，

同老公兩份食，

好味道呀!

晚餐就煮咗呢個蕃茄雞蛋燴牛肉碎，

大人細路都啱食，

撈飯一流架!

材料: 蕃茄2個、雞蛋2隻、牛肉碎適量、蔥粒

醃料: 豉油1茶匙、糖少許、生粉少許、水1湯匙、麻油少許

做法: 牛肉碎用醃料醃15分鐘；雞蛋落少許鹽發勻備用；蕃茄去皮切件；

燒熱鑊落油倒入蛋液快炒成滑蛋後上碟(約8成熟)；

原鑊落少許油加牛肉碎炒至8成熟後盛起；

原鑊不需落油加蕃茄快炒至出茄油後，加大半碗水煮至蕃茄軟身，

加埋牛肉碎煮至翻滾後，按個人口味加鹽和糖調味，

落少許生粉水埋芡汁後，加滑蛋和蔥粒炒勻上碟便成。

大家可以入嚟Facebook讚下我新開嘅Fans專頁呀!

雀后(添飯)Facebook Fan Page