噚日我又同老公和姑奶一齊返惠州，
天氣認真麻麻，
又濕又大霧兼落微雨添!
坐的士返到屋企附近，
食個簡簡單單嘅快餐，
3個小菜加白飯例湯任裝，
都係36蚊人仔，
抵!
返到屋企緊係要進行大清潔啦!
等堂妹嚟到就唔好遲，
開枱囉!
可惜手風麻麻，
做咗大輸家呀!
晚餐去咗朝早午餐嘅地方食，
6餸1湯，
白飯任裝，
都係252蚊人仔，
又係好抵呀!
今朝一早起身就去市場食早餐，
順便買咗少少嘢我一個人先返香港，
而老公和姑奶就約咗朋友係惠州住多一晚。
行勻成個街市都買唔到散裝梅菜，
只有獨立包裝梅菜，
真係令人好懷疑係咪運哂落嚟香港買呢!
梅菜30蚊人仔有4包；
椰菜1.5人仔；
青瓜5蚊人仔有4條；
獨子蒜頭12蚊人仔；
雜貨2蚊件。
大家可以入嚟Facebook讚下我新開嘅Fans專頁呀!
今次做唔成雀后！哈哈哈
回覆刪除唔係次次都係雀后，要俾少少甜頭佢哋，然後再大殺三方嘛!
刪除拎咁多嘢自己點可以呀？
回覆刪除所以咪拎到我手軟囉!
刪除惠州真係又平又低，你幾時帶我地去
回覆刪除我都想，我住果邊鄉下地方，交通又唔方便，附近只係得個街市，冇咩地方俾大家行呀!
刪除剛去完泰國又去惠州，大收獲啦！真係識嘆！又買著咁多嘢一個人拎，戥你重!！
回覆刪除哈哈，一個人拎咁多嘢，又真係幾重架!我都覺得自己好犀利呀!
刪除