3月5日(星期日)
今日冇咩行程，
休休閒閒食個早餐之後，
我哋就坐車去Tesco Lotus shopping啦!
呢日目的係買泰國粉絲，
上兩日買錯咗包唔係100%綠豆做嘅粉絲，
今次一定要金精火眼睇清楚先得!
(正宗100%)
(唔太正宗冇100%)
原本諗住剩係買包粉絲就算，
點知行下行下，
睇到D嘢平成咁，
話咗唔買架啦!
又手痕添!
午餐食得簡單~KFC。
見Donut平靚正，
仲買6送6添，
唯起$40左右唔使就有12個呀!
買完嘢緊係返酒店抖抖啦!
呢幾日行到我死死下，
真係冇咩力再行夜市啦!
夜晚我留係酒店休息，
其他團友仔就繼續行週日夜市，
佢哋話呢個夜市冇咁多人，
行得好舒服呀!
原來連泰國粉絲都有假!個包裝相似得99.9%，我以為淨係大陸先至會有。
回覆刪除有時就係咁，自由行有好，就係喜歡去自己去的地方，唔洗俾人趕鴨仔，唔洗去D自己唔鍾意嘅地方。但唔好就係無車，點對點接送。尤其去到熱天時嘅國家，真係會好辛苦。
其實又唔係假，只係成份唔係全綠豆做，食落冇咁爽口呀!
刪除下次再去過，呢個夜市無咁多人，賣的東西又唔同。
回覆刪除好呀，下次一定要再去玩過呀!
刪除香港買粉絲都要睇清楚成份
回覆刪除平時我鐘意去雜貨舖買散裝粉絲，爽口好多架!
刪除唔係100%綠豆做食落唔同??
回覆刪除我覺得100%綠豆製粉絲會爽口D，其他的煮完會淋pat pat架!
刪除現今社會到處都有假貨、真係好得人驚。所以買時要認真睇清楚先好買。請問你們上次學煮泰餐是旅行社幫你地安排或你們自己搵呢！係唔係要預早登記課程㗎！知唔知香港有無類此煮食課程給旅客參加呢！
回覆刪除其實又唔係假，只係成份唔係全綠豆做，食落冇咁爽口呀!
刪除至於學煮泰菜，我哋係旅行社代安排的，仲有幾間泰菜學校俾我哋揀添架!