2017台北hea遊~第三日

3月24日(星期五)

嚟到係台北第三日，

食完個豐富早餐後，

差不多10點半左右，

我哋就搭捷運(台北101/世貿站4號出口)去台北101。

台北101名店林立，

齋睇冇買嘢，

落咗去地庫超市行街街，

可惜超市部份地方裝修，

冇咩好行!

我哋八掛問下超市店員，

除咗鼎泰豐，

仲有咩地方可以食到好味小籠包，

佢就介紹我哋去(捷運東門站5號出口)永康街高記喇!

食飽做咩好???

我哋唔想再行公司，

於是返去酒店附近搵下有冇超市行下，

其實我同Samwei好鐘意行街市、超市和老店舖架!

成個下午行咗Jasons、全聯、頂好呢3間超市，

仲買咗好多手信添。

晚餐本來想去士林夜市，

不過我哋太攰喇，

唔想再搭車去搵食，

就咁落酒店樓下呢間食飯~黔園川菜老店!

上網search下原來呢間店都幾出名架!

雖然網上食評有讚有彈，

但人嘅喜好係好個人的，

唔試過又點知啱唔啱自己口味呢???

哈哈，

睇埋下面張相，

就睇到啱唔啱食喇!

食到咁飽，

就要去運動下啦!

誠品西門店就係酒店前面，

行下睇下書做個文化人先得!

不過我哋好另類，

唔睇書，

睇雜誌!

睇到D雜誌送嘅袋，

睇到唔願走，

今勻我定力高，

唔想為咗個袋而買本書返嚟，

雖然咩都冇買，

不過齋睇都覺得開心呀!

其實使咩去士林夜市，

西門町都有好多嘢食架!

可惜我哋冇牛咁有4個胃，

又係齋睇當食咗呀!

 
 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page