3月23日(星期四)
我哋住呢間酒店係包早餐的，
雖然得A&B(西式和中式)餐選擇，
但每朝有個色彩豐富嘅早餐迎接新一天，
成個人都精神哂呀!
食完早餐，
我哋就搭捷運(中山紀念堂2號出口)去南門市場。
呢度係賣手信嘅地方，
而且仲有好多素食品選擇添，
所以我都買咗唔少零食俾大魔怪架!
台灣人真係好好客，
不斷攞嘢食俾我哋試食，
攪到我哋食零食都食飽呀!
滿載而歸後，
我哋走咗去隔離食午餐。
由於試食都飽咗半成，
所以我哋簡單叫2個湯和2個小魯肉飯食，
170台幣即$45，
又唔錯喎!
食飽返酒店放低手信，
抖一陣又出發去淡水啦!
夜晚仲未肚餓，
周圍搵下地方行下先得!
其實行家樂福都唔錯架，
可惜係原來呢度D嘢都唔平，
冇咩嘢買到呀!
返到酒店附近，
揀咗去食牛肉麵!
咪睇D牛肉大大件，
原來係好鬼淋架，
湯底又濃又香，
真係食到唔停得口架!
大家可以入嚟Facebook讚下我新開嘅Fans專頁呀!
台灣人跟大陸人相比, 的確台灣人的質素較高.
回覆刪除你有無影到家樂福入面D相,我好想知入面D佈局, 跟大陸嘅係唔係一模一樣? 係唔係有2層或者超好大之類果一種?
我哋冇係家樂福影相，不過呢度同大陸都係差不多，都係有幾層架!
刪除食不停啊
回覆刪除今次實肥幾磅呀!
刪除係2個湯和數個小魯肉飯呀
回覆刪除哈哈，係喎，原來我哋咁大食，每人食咗1個魯肉飯呀!
刪除吃過不停 " 正 "
回覆刪除Yummy yummy!
刪除见你哋真係hea得过癮! 开开心心又過一日. 真係識嘆世界! 哈哈 !
回覆刪除嘻嘻〝吃喝玩樂，我至愛呀!
刪除