2017台北hea遊~第一日

3月22日(星期三)

今次台北hea遊之旅，

冇目的，冇行程，冇景點，

只係當日睇天氣，

睇心情，

想去邊就去邊，

行到邊食到邊

名副其實係hea住玩呀!

落飛機第一時間緊係去買張電話數據咭，

揀咗5日電話數據咭，

依家做特價~250台幣，

即$66左右呀!

加埋張悠遊咭(即台灣版八達通)，

咁就可以周圍去啦!

選擇搭新桃園機場捷運去台北車站，

紫色係快車半小時左右就到。

今次我哋住西門町，

所以要再轉搭捷運(板南線)1個站就到啦!

能量旅店位於西門町，

職員親切有禮貌，

環境都唔錯架!

放低行李，

去附近探路兼搵食先!

唔知係咪早起身，

返酒店瞓咗一陣先出動去行夜市；

係西門町行咗一個圈，

即刻搭捷運(松山站5號出口))去行饒河街夜市。

雖然好多人排隊，

但呢個胡椒餅一定要食囉!

熱辣辣個包又夠juice，

好味道呀!

 今日全日係咁食，

食完個胡椒餅都已經飽哂，

其他嘢食齋睇當食咗呀!

 
 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page