紅磡都會海逸酒店自助午餐

今日約咗3位travel buddy食午餐，

因為嚟緊星期三我哋又約埋飛，

目的地係泰國清邁，

緊係要約出嚟傾下行程啦!

今次我哋又係自由行，

超級期待今次嚟旅程呀!

薑米揚州炒飯

見屋企有一大碗冷飯，

簡單炒個港式揚州炒飯嚟食都好喎!

用咗蝦、叉燒、雞蛋、生菜和冷飯，

加埋薑米落去一齊炒，

一個字~香!

素湯~合掌瓜粟米紅蘿蔔栗子眉豆花生蜜棗湯

由於大魔怪平日住學校宿舍，

所以通常一星期先返嚟屋企一次食飯咋!

襯佢今日番嚟，

緊係要煲啖靚素湯水俾佢飲啦!

一貫作風，

料多湯少!

酥炸蝦醬雞翼

由於過年期間日日都有雞食，

攪到老公對"雞"有少少抗拒呀!

經過半個月冷靜期後，

今日終於可能解禁啦!

麵包製作精選實習(特別班)~第九堂

終於有時間post麵包班嘅相片啦!

今次係第九堂，

整咗意大利薩莫蓮拿合桃雞湯麵包和新鮮香草煙肉麵包。

XO醬西芹腰果蝦仁

哈哈，

過年前炸嘅腰果仲有少半樽係度，

竟然仲未俾我偷食哂，

今次啱哂喇，

我可以用嚟做餸菜呀!

羅宋牛肉湯

我個人就係咁貪心，

咩都要多，

今日煲個羅宋牛肉湯就落鬼咁多料，

攪到個煲都差D裝唔哂添呀!

祈祈6歲生日會

噚日係祈祈6歲生日嘅大日子，

希望佢開開心心，

孝順父母；

仲有呀，

話咁快今年9月祈祈就升小學，

已經有直資小學收了她，

唔使令大家再擔心啦!

涼拌小食~醉豬手

眨下眼，

今日祈祈BB已經6歲喇!

我專登整咗個涼拌豬手過去妹妹家，

做飯前小食都唔錯架!

鮮淮山雲耳炒肉片

今日去天盛街市買餸，

見到菜檔有新鮮真空包裝兼削好皮嘅鮮淮山賣，

啱哂我呢個鐘意食鮮淮山，

但又唔鐘意削淮山皮嘅懶人呀!

煲涼茶~靈芝雞骨草

噚日煲咗個靈芝雞骨草涼茶俾老公飲；

靈芝~抗癌、補肝解毒、抗衰老；

雞骨草~清熱利濕、疏肝止痛、活血散瘀；

白芍~養血柔肝、保肝止痛；

茯神~寧心安神利水；

金錢草~清熱利尿、袪風止痛、清炎解毒；

其實我都會去藥房買呢款涼茶，

清清肝火都唔錯，

不過飲涼茶呢家嘢，

真係要睇清潔自己體質先好飲呀!

瑞士汁雜菜肉絲炒烏冬

今日我又想食雜糧喇!

我嘅第一個選擇緊係食烏冬啦!

簡簡單單用咗瑞士汁嚟炒烏冬，

又真係幾好味道架!

Blog聚~尖沙咀新泰東南亞餐廳

噚晚約咗blog友仔食飯，

揀咗去食泰國菜，

我哋唔只傾到唔停得口，

而且仲不停咁食食食，

食得好盡興呀!

呢餐每人食咗$330左右。

雜菌燴生菜(冬菇、姬松茸、牛肝菌、雲耳)

呢碟雜菌燴生菜係煮俾大魔怪食嘅，

雖然佢話唔多鐘意食菇菌，

但每種菇菌都有唔同營養價值，

多進食係對身體有益架!

猴頭菇蟲草花螺頭瘦肉湯

今日結婚24週年，

我哋選擇留係屋企，

煲個靚湯，

煮下飯仔；

適逢今日係元宵佳節，

食埋碗甜甜芝麻湯圓就perfect啦!

XO醬青瓜炒蝦仁

見超市急凍蝦仁有特價，

買定幾包放冰箱做存貨先得，

雖然係冰鮮貨色，

但都好爽口架；

今次用咗XO醬炒，

夠哂惹味呀!

銀魚仔乾蒸肉餅

今日係雪櫃摷到包銀魚仔乾，

就咁蒸嚟食好似齋咗D(其實淋豉油熟油係好好味架)，

所以買咗少少豬肉一齊蒸嚟食，

呢個餸真係好送飯架!

(落燕麥片嚟蒸豬肉，肉餅會滑好多架!)

炒三絲(薯仔、甘筍、肉絲)

呢幾日作感冒病病哋，

冇咩心機煮飯囉!

簡簡單單整個炒三絲，

老公張就下啦!

年初八晚餐

話說上星期六去咗妹妹屋企拜年，

我仲專登煮咗盆生炒臘味糯米飯添；

以為今次我可以唔使自己煮飯喇，

點知到最後負責煮飯嘅竟然又係我，

無言!

新春行大運~南生圍

連續3年嘅新春行大運，

目的地都係元朗南生圍；

今次總共行咗3個小時，

不過食埋呢餐豐富午餐後，

消耗咗嘅卡路里又返哂嚟，

即係冇減到呀!

生炒臘味糯米飯

今日要去妹妹家拜年，

手信就係雀后我自家煮嘅生炒臘味糯米飯喇!

除咗咖哩豬皮蘿蔔魚蛋外，

呢個都係我家家人喜愛嘅食品之一呀!

豉椒排骨

時間過得真係快，

今日已經年初七(立春)，

咁又過咗一年，

又大一歲了!

祝大家人日快樂!

返鄉下過年~惠州

每年年初三，

我哋都會返惠州過年；

今年返到屋企，

堂弟婦已經幫我哋做哂清潔，

仲擺放咗好多款生果係枱面，

一大堆生果，

寓意生生猛猛，

呢個堂弟婦真係抵錫喇!