今早，我嘅鼻敏感又發作，
攪到我4點幾又起身，
唉!每逢冬天我就慘啦!
天氣凍凍哋，
而且又睇睇埋埋各位blog友整嘅煲仔飯咁好味道，
最梗要係熱辣辣嘛!
心思思又整番煲先得!
今次唔係雞，係排骨，
仲要詢眾要求加多2條臘腸添!
臘腸排骨煲仔飯
材料: 3杯米、臘腸2條、排骨$25
醃料: 蒜頭豆豉醬、少少老抽、糖、粟粉(醃排骨用)
做法: 浸米一陣後，用大火煲飯至蝦眼水，
加臘腸和排骨在飯面上轉細火，約煮15分鐘左右，
間中轉轉煲的位置，使飯焦能平均D呀!
熄火後焗一陣(10分鐘左右)，淋上豉油便成。
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!