輪到小魔怪病啦!

 

昨晚輪到小魔怪病啦!
不過佢病咗連我都唔知道，
因為我噚晚七點幾八點就上床瞓咗，
朝早起身，
見到老公瞓地下，
小魔怪瞓梳化已經覺得有點怪，
一問原因下才知道小魔怪昨晚發冷走咗出廳，
老公一直睇實佢和照顧佢吃藥，
唉!我做呢個母親真失敗囉!
老公真辛苦，
又要照顧我和小魔怪。

小魔怪今日冇返學，
一直係房瞓瞓瞓，
連佢最鐘意打機都冇力打啦!
夜晚我帶佢睇醫生探熱仲係102度，
燒足成日都冇退燒，
好彩醫生話係普通感冒，
唔係豬流感咋!

小魔怪全日剩係食咗少半碗粥，
但佢仲識投訴工人姐姐煲白粥好難食，
哈哈!咁就知道佢冇燒到傻咗啦!
為咗等佢食多D嘢，
我就準備咗幾樣佢都幾鐘意食嘅餸，
希望佢食番多D嘢啦!

     

雜錦炒粒粒
     

洋蔥豬扒
     

節瓜粉絲蝦米
     

外買皮蛋瘦肉粥

不過小魔怪都係冇咩胃口，
剩係食咗1碗粥和少少餸咋!
佢食咗藥又瞓咗啦! 

 

 

 

 

 

  

大家可以入嚟Facebook讚下我新開嘅Fans專頁呀! 

 

雀后(添飯)Facebook Fan Page