我同小魔怪病咗足足有2個星期啦!
這兩星期裡我都冇煲湯，
趁今日放假咪煲啖湯飲吓。
問問小魔怪想飲咩湯???
佢話飲青紅蘿蔔湯，
但亞仔飲蘿蔔湯會咳喎???
小魔怪話冇得飲仲咳呀!
青紅蘿蔔象拔蚌蜜棗瑤柱煲西施骨
蒜頭豆豉醬爆雞全翼
材料: 雞全翼15隻(小)、三色椒每色半個、蒜蓉、
乾蔥、薑蓉、蒜頭豆豉醬1匙羹
醃料: 豉油、老抽、糖、粟粉、麻油和紹酒
做法: 用醃料、蒜蓉、薑蓉醃雞翼；三色椒切絲落鑊炒熟備用；
落油起鑊爆香乾蔥和蒜頭豆豉醬，後加醃好雞全翼，
炒至半熟，落兩碗水焗雞翼至全熟，加三色椒略炒便成。
貢丸腸仔炒椰菜
哈哈!一睇就知道我又清雪櫃啦!
剩得半個椰菜、幾粒貢丸和3條腸仔，
炒埋一碟就食得啦!
P.S. 佳寶有特價雞翼$15有15隻，
雖然細隻D，但好抵食o架!
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!