小魔怪成日話要食燒嘅魚，
佢話好似睇日劇和韓劇時整果D喎!
考起我啦!亞仔!
我都好少出街食飯同蒲o架!
又未食過鯖魚，
都唔知點整???
又唔知腥唔腥喎???
在咩都唔知和唔識下，
在佳寶買咗1包鯖魚扒，
用咗少少鹽、胡椒粉和紹酒醃一醃，
然後用平底鑊煎煎，
最後加少少檸檬汁和自製甜醬油。
鹽燒鯖魚
另外，上次買咗樽魚露，
用嚟整咗魚露雞翼。
魚露雞翼
醃料:魚露2.5匙羹、花雕酒3/4匙羹、老抽少許，醃過夜，
P.S. 炸前2小時由雪櫃取出；而雞翼必須炸2次才好味道，
所以食飯前將雞翼翻炸才夠脆。
肉燥茄子
肉燥做法好簡單:
材料:豬肉碎(最好用肥肉)、紅蔥頭4-5粒切碎、冬菇8隻切粒
醬料:米酒、豉油、老抽、糖、五香粉和水等
做法:用少許油落鑊炒香紅蔥頭、豬肉碎和冬菇，
後加醬料煮30分鐘左右便成。
同場加影~我的台灣肉燥飯
今餐老公冇得食，因為佢去咗麻雀耍樂。
至於D餸有冇得剩???
緊係冇啦!
連咬親咀嘅小魔怪都食唔停口呀!
超超超好味道呀!
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!