蠔油蔥花雞髀!

 

今日午飯時，

 

因為我要接見即將入學的學生，

 

匆匆的飲了一碗湯便離開，

 

再次回到飯枱時，

 

又冇哂胃口食嘢，

 

唯有放工後吃下午茶。

 

明知道大小魔怪唔肯出街陪我食嘢，

 

便外買2碗車仔麵大家一齊食! 

 

大小魔怪在3點左右吃過車仔麵後，

 

竟然6點幾又大叫好肚餓。

 

吓!我碗車仔麵都未落格喎! 

 

又要開始煮我的晚餐，

 

今日真係好簡單，

蠔油蔥花雞髀

 

 

材料:雞髀3隻、蔥和薑

 

汁料:蠔油(3湯匙)、生抽(1湯匙)、老抽(少許)、糖(少許)、

 

麻油(少許)和水少半杯

 

做法:將雞髀用花雕酒醃半小時，蒸熟斬件備用。

 

煮熱汁料加在洒滿蔥花和薑絲的雞髀面上便成。

　　

 

鮮枝竹節瓜炆排骨

 

 

材料:節瓜兩個、鮮枝竹半磅、排骨$25、蔥蒜和蒜頭

 

醃料:豉油、糖、粟粉和花雕油少許(醃排骨)

 

汁料:蠔油、豉油、老抽、糖和粟粉

 

做法:將排骨醃半小時左右，先用水炆45分鐘後息火備用，

 

然後落油炒香蔥蒜和蒜蓉，加節瓜、鮮枝竹和排骨炆10分鐘左右，

 

最後加汁料至收乾便成。

 

 

  

  

大家可以入嚟Facebook讚下我新開嘅Fans專頁呀! 

 

 

雀后(添飯)Facebook Fan Page