七彩雜錦炒粒粒!

上幾日都有用三色椒和馬蹄煮餸，
但每次用的份量都比較少(慳家呀!)，
所以今日將剩下的來一個小炒。
     

                                    

馬蹄蒸豬肉

細細個時，

最鐘意母親大人煮馬蹄蒸豬肉，

喜歡吃馬蹄的爽脆，

加上撈汁食飯，

我一餐可以吃3大碗飯呀!

所以自小我是個小肥妹!

(現在又是個小肥肥啊!)

飲飲食食賭賭~2009澳門之旅(III)

 

2009年7月27日，
早上9:00起床後，
匆匆梳洗後，
連早餐也不吃，
即刻前往大三巴觀光。
大家到過大三巴很多次，
不過每次那裡都非常多人。

飲飲食食賭賭~澳門之旅(II)

 

觀光過後，
我們又到另一個必到的地方~大利來記吃豬扒包!

飲飲食食賭賭~2009澳門之旅(I)

2009年7月26日，
早上7:25已經到達中港城，
我們是乘搭9:00船往澳門，
於是便到麥當奴食早餐。
10:00左右已經遠望到澳門新面貌，
新興建的賭場遍佈整個澳門。
我們急不及待的前往酒店~財神酒店。

涼拌火雞腎拼金錢肚!

噚晚個鹵水金錢肚炆得都幾入味!

不過此終唔夠火喉

(唔夠淋，老公話有嚼勁喎!)，

所以食剩咗少少，

於是今日買咗4個火雞腎再加埋金錢肚炆多45分鐘。

蒜泥白肉

今日，

早上9:00與小魔怪睇電影早場，

哈利波特~混血王子的背叛!

呢集比較沉悶，冇上幾集好睇，

足足睇咗2個幾鐘!

不過最緊要戲票平呀!

早場$35(片長加$5)，平日$60。

睇完戲後先買餸，

食咩好???

唔想食飯，想食潮州粥，

於是決定整餐打冷餸啦!

今日大暑!

今日大暑!

一早到街市買冬瓜煲湯，

材料有:

冬瓜2斤、象拔蚌干4隻、西施骨$30、蓮葉、淮山、

蓮子、茨實、薏米、瑤柱、果皮和蜜棗等。

呢煲湯煲咗3個鐘頭，

好清甜呀!

包餃子!

前陣子看見很多blog友包餃子，

諗起自己又有好幾個月沒有包過餃子，

於是今日買齊材料包餃子。

各人都有自己包餃子的材料和方法，

我的餃子材料有:

豬肉、木耳、冬菇和大白菜。

調味料有:

豉油(3湯匙)、老抽(1湯匙)、麻油(2茶匙)、

糖(2茶匙)、粟粉(1茶匙)和水(少許)。

做法:

首先將調味料加入豬肉攪拌，

然後將木耳、冬菇和大白菜(灼熟和瀝乾)切碎，

加入豬肉內。(豬肉加水後，餃子內會較多汁!)

冷麵!

天氣太熱啦!

每日煮完飯後，

成頭都是汗，

熱到都唔想食嘢!

所以間中整吓冷麵，

都係一個唔錯的選擇!

蠔油三杯雞!

大小魔成日都想我煮三杯雞，

於是自己又試吓煮啦!

唔識煮就周圍搵吓有冇食譜，

點知又俾我搵到頭條網嘅飲食，

裡面有好多唔同嘅食譜，

嘩!超正呀!

海鮮炒飯!(鰻魚、蝦、帶子和蛋)

 

諗起昨晚颱風嘅威力，

 

有點怕怕。

 

因家住西南方向，

 

食正個颱風，

 

成晚好似打到嚟咁樣，

 

風呼呼聲不絕外，

 

好驚個窗俾佢吹爛，

 

攪到成晚都活在恐懼中，

 

差不多3點幾先瞓著，

 

唔夠7點又起床!

 

落街睇睇滿目瘡痍的街景，

 

風依然大，

 

雨依然密。

 

匆匆的在佳寶買了一盒鰻魚和一盒肉碎，

 

便馬上回家去。

 

打風都唔想煮太多嘢!(懶囉!)

 

再嚟煮青口!

 

話說大魔怪昨晚要返童軍冇返嚟食飯。

 

於是我將昨日嘅blog俾佢睇!

 

睇完後，即刻問仲有冇青口食呀?

 

緊係冇哂啦!

 

以後佢講吓姐!

 

點知佢今日成日話想食青口，

 

見佢成日彈我D餸，

 

今次見到佢咁期待個樣，

 

好啦!為大魔怪再煮一次啦!

 

南乳煎雞扒

 

今日我可以早D用電腦，

 

因為大魔怪番咗童軍，

 

而且仲有自助餐食添!

 

可能會夜D返，

 

唔使同我爭用電腦啦!

 

屋企已經裝咗兩條上網線!

 

但係我都冇得用!

 

另外，好在前幾日停電只得2個鐘左右，

 

所以樽南乳醬仲可以用嚟醃雞扒!

 

香橙雞膇

去完海洋公園之後，

即刻到佳寶買餸，

(哈哈!已經做咗代言人添!)

買咗1包雞膇1磅都係$16.5，

偷咗T&P嘅橋，

改咗D材料整咗個香橙雞膇。

汁料:

將1個橙榨汁和刨皮，

加咗2匙羹蜜糖、1湯匙豉油和大半碗水等。

煮法:

首先用鹽和花雕油醃醃雞膇，

用蒜蓉和薑蓉起鑊，

爆香雞腿和落少少花雕酒，

再加汁料煮熟雞腿。

最後加埋橙皮便成。

  

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page

簡單的午餐~白汁肉醬腸仔意粉(海鮮蘑菇湯)

 

不知道是否近日工作疲累過度，

 

唔想再煮得太複雜了!

 

於是買了$11肉碎，

 

一罐海鮮蘑菇湯(百佳特價大罐$8.9)，

 

上次用剩半包意粉(500g)和5條腸仔(切片)

忙!忙!忙!遙遠控制的一餐!

 

今日返到幼稚園非常忙碌!

 

上午要照顧仍返學的小朋友，

 

下午又要準備畢業典禮的事情，

 

因為今次如期舉行的決定大過急趕，

 

大家都有不同的事情要處理，

 

間中都會有少少爭執，

 

其實大家都係為咗令畢業典禮能順利進行，

 

所以發洩完脾氣後，

 

很快又會繼續自己的工作裡。

 

未能趕及煮飯，

 

唯有遙遠控制教工人姐姐整定D餸，

 

跟咗我差不多1年半，

 

我諗佢都學到唔少嘢啦!(煮餸方面)

 

今餐大部份都係工人姐姐煮的，

 

如煎定豬扒和炸魚等，

 

等我返到屋企才加工。

 

香煎腐皮卷!

 

昨日，見到網友整腐皮卷，

 

諗番起N年前自己都整過，(讀中學時代)

 

於是襯今日仲放緊假嘅日子裡面，

 

買齊哂材料，

 

一手一腳自己整嚟食!

 

材料有:沙葛、紅蘿蔔、木耳、冬菇、

 

芽菜和金菇。

 

調味有:蠔油、老抽、豉油、糖和粟粉等。

 

最重要緊係腐皮2塊啦!

 

 

派成績表的大日子!

 

今日，

 

係大小魔怪派成績表的大日子。

 

從小學一年級開始至中二，

 

每逢考試和測驗，

 

我和老公都會特別緊張，

 

並一定會在旁邊陪讀和

 

督促佢哋成日讀書；

 

令到大小魔怪非常反感!

 

雖然大家都知道呢個方法唔好，

 

我哋應該俾番D責任佢哋!

 

但做家長的我和老公，

 

何嘗唔想呢?

 

讀書是要講求自覺性，

 

心知大小魔怪是有小聰明的，

 

他們對成績分數並不介意和擔心，

 

合格已經是他們的最高要求。

 

但香港社會裡，

 

分數高低影響很大的。

 

大小魔怪非常喜歡說:

 

「求學不是求分數!」

 

激死人啦!

 

現在是下午四時左右，

 

啱啱見完大魔怪嘅老師!

 

小魔怪就今早已經知道佢嘅成績啦!

 

整體上大小魔怪都有進步!

 

小魔怪應該仲可以讀中三精英班，

 

而大魔怪仲可以升中三咁啦!

 

 

  

  

大家可以入嚟Facebook讚下我新開嘅Fans專頁呀! 

 

雀后(添飯)Facebook Fan Page