麵包製作精選初班(第九堂)

 

今日原本係學芋頭麵包和飛碟包，

不過亞sir話D芋頭唔靚，

所以改整蕃薯包!

不過芋頭又好蕃薯又好都唔係吸引，

最最最吸引係呢個飛碟包，

裡面包咗椰絲餡，

超甜，

下次試唔加餡先得!

 

鮑汁花生雞腳!

 

今日係父親節，

雀后係度祝各位父親節快樂呀!

大家有咩節目???

大小魔怪要繼續溫書啦!

所以冇得出街；

而我哋兩公婆就會去妹妹家耍樂，

耍樂???

大家明白啦!

今朝我整咗一大盒雞腳，

希望大家啜得開心啦!

蠔油青口!

 有條友仔應承同我去台灣，等我約哂人諗住7月中去玩啦，佢竟然話俾我聽佢冇特區護照，依家我好想殺人呀!

 

糭，都是自家製的好!

 唔係自己讚自己，

近日食過好多人包嘅糭，

不過始終唔及自己包嘅咁好食，

我包嘅唔係常見嘅三角糭，

而係客家糭呀!

膽粗粗教國畫!

星期一，

老師們(包括我)跟國畫老師學國畫，

我哋學咗2個鐘頭咋，

就要膽粗粗教小朋友畫幅國畫送給父親，

作為父親節禮物；

雖然我哋嘅畫工唔係咁好，

而且學調色和技巧都好難，

不過我哋老師個個對國畫都感興趣，

希望下次一齊可以進修國畫呀!

頭果幅係我最新畫嘅，

至於最底果幾幅就係星期一畫啦!

好肉酸呀!

沙爹雞翼!

 

呢排大小魔怪生咗大食積，

食極都話肚餓，

成個晚上一路溫書，

一路話要食宵夜，

唔知係咪依家考試有壓力呢???

 

麵包製作精選初班(第八堂)&蝴蝶酥!

 

話咁快已經第八堂啦!

今堂學整蘑菇洋蔥雞包、午餐肉包和炸蛋球；

不過我哋個個同學仔話唔學炸蛋球，

於是亞sir教我哋整泡芙啦!

黑芝麻蛋糕!

 

噚日係facebook見到blog友仔整呢個蛋糕，

攪到我心思思想食添；

咁啱大小魔怪又話想食宵夜，

好，

一於整妳~黑芝麻蛋糕啦!

偷得浮身半日閒~下白泥&流浮山!

 

今日天氣唔錯o架，

唔太曬，

又有風；

見大小魔怪係度溫書，

我同老公費事嘈住佢哋啦，

於是揸架老爺砵砵本去遊車河啦!

目的地~下白泥&流浮山!

有條茂李爬咗出欄杆話想影相喎!

中環大喜屋!

今晚約咗blog友去食放題，
Lonely&囡囡、亞Mei、Sand Sand 和我；
呢間放題都幾寸，
未到六點唔俾入座，
仲唔可以係門口等，
要我哋大人細路係街等到夠鐘先可以上去，
服務態度嘛嘛哋呀!
不過D刺身真係唔錯，
尤其D甜蝦，
真係encore 再 encore呀!
哈哈，
大家千祈唔好以為D相重覆咗呀!
呢餐大人$228加10%，
小童$148加10%。