生炒牛肉飯!

大家整炒飯，

係咪鐘意用冷飯呢???

其實我就鐘意用新鮮飯炒啦!

只要洗米時比平時落少D水，

咁煮起嘅飯就會乾身少少，

炒起嚟就會粒粒分明啦!

今次整嘅係生炒牛肉飯，

平時係餐廳就食得多，

唔係太咸就係太油，

都係自己炒健康D囉! 

慳得就慳啦!

我搵番個銀包，

本來想去斬料慶祝下，

點知D燒味全部加哂價，

一隻白切雞要成$70，

燒鴨一隻仲要成$100添，

唔係嘛，

咁咪要我嘔突打斧頭D錢囉!

唔得，

都係自己焗叉燒算啦!

驚驚呀!

原本今日好鬼開心，

因為早排OK便利店買嘢滿$20，

就有一次抽獎機會，

唔知係咪自己近日太太太幸運呢，

竟然中咗大獎~豆豆咕臣，

碟碟都有6隻呀，

安慰獎$1或$2現金卷都中唔少o架!

荔芋油鴨煲!

死火啦!

一連3餐都係食三高餐，

睇嚟好快玩完啦!

唔得要食番一個星期低卡餐先得!

打邊爐!

 

今朝一落街，

凍到我眼淚水都標哂出嚟，

仲不停打噴嚏!

喂喂喂，

使唔使咁凍呀!

(睇番天氣圖，今朝天水圍得8度!)

咁凍冇咩好，

最好就係一家人圍埋打邊爐啦!

好溫暖啊!

好殘忍啊!

天文台今次又幾準喎!

話會凍又真係凍咗好多；

我都幾鐘意呢D天氣，

涼涼哋好鬼舒服，

不過太陽落山後，

感覺有D寒意啦!

日式咖哩雞!

病完之後，

好似冇咩胃口食嘢咁，

見雪櫃有半盒日式咖哩，

今日簡簡單單整個咖哩飯算啦；

唔夠???

加多個炒飯底啦，

仲加幾塊紅腸和菜芯，

夠食啦掛!

蓮藕炆豬軟骨!

今日下午睇見旺角火警嘅新聞，

真係令人好唔開心呀!

願死去的能安息，

受傷的盡快康復。

人在做，天在看，

希望警方能盡快搵出縱火兇徒啦!

三文魚頭蕃茄薯仔紅蘿蔔湯!

食咗兩日西藥，

飲水都飲到口淡淡呀!

所以今日滾咗個營養豐富又好味道，

三文魚蕃茄薯仔紅蘿蔔湯!

好鮮甜啊!

(呢個三文魚頭係百佳買o架!)

病假!

今日終於去咗睇醫生啦!

醫生話我因感冒和喉嚨發炎引致失聲，

所以今日課室少咗一把鬧人嘅聲音，

我諗小朋友都不知幾高興呀!

攞咗一大袋藥，

買定一碗外買粥，

食完藥就覺覺豬咗一陣；

今日我休息一天，

由工人姐姐煮餸呀!