素湯~粉葛紅蘿蔔粟米栗子湯

雀后湯水又出籠啦!

襯大魔怪今日返嚟食飯，

所以今次煲素湯~粉葛紅蘿蔔粟米栗子湯，

加埋赤小豆扁豆花豆一齊煲，

一個字~甜!

試機~焗蒜香雞翼

屋企大裝修，

今日終於可以全面回歸我嘅廚房喇!

全新廚房緊係要增添新設備啦!

今次買咗個高溫蒸焗爐，

緊係要快快試機啦!

簡簡單單整咗焗蒜香雞翼，

加埋碟清水烚菜芯，

開飯啦!

P.S 焗完出嚟嘅雞翼皮脆肉嫩，

呢個效果，

我好滿意呀!

快將完成啦

如冇意外的話，

做埋有關電嘅工程後，

今次大裝修就會完工啦!

咁嚟緊呢段日子，

辛苦嘅打掃工作就會全速進行，

傢俬和其他大型電器已經買齊，

依家等送貨呀!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page

最新近況

雖然屋企仲未裝修好，

但我和老公都決定搬返嚟住，

其實廁所和廚房已經整好九成，

我哋可以係其中一間房臨時瞓住先；

依家最重要係全屋油漆工程(牆身)仲未開始做，

呢個工程真係唔急得，

起碼要做多10日先可以完工；

日間工程繼續做，

而我就要去屋苑會所打發時間，

繼續上網煲劇喇!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page

我的近況

各位好嗎?

因為係大陸係上唔到google，

所以update唔到呢個blog，

唔知大家有有掛住我呢???

而我呢就好掛住大家啦!

習慣咗日日寫blog和睇大家嘅blog，

依家冇得睇真係有少少失落架!

講番屋企裝修進展，

經過呢20日，

剩係換哂全屋水喉~銅喉，

以後我哋就唔使再飲生銹水啦！

其餘工程應該會係今日或之後開始施工，

我急佢哋(裝修師傅)唔急，

真係好頭痛呀！

準備就緒

聽日屋企開始裝修啦!

成屋嘅嘢掉剩呢度咁多，

一間房都可以裝得哂呀!

唔講都唔知，

原來我果層另一個單位今日開始裝修，

呢次真係熱鬧囉，

肯定嘈到七彩呀!

  

 

大家可以入嚟Facebook讚下我新開嘅Fans專頁呀!

 雀后(添飯)Facebook Fan Page

咸鴨腎蠔豉瑤柱豬腱粥

仲有3日屋企就會進行大裝修，

雀后煮埋呢餐就要收爐啦!

希望裝修工程可以係2個月內完成，

到時就可以再見大家啦!

不過我都會定時上facebook，

同大家say hi架!

今次呢餐煲咸鴨腎蠔豉瑤柱豬腱粥，

加埋油炸鬼和牛脷酥，

快靚正呀!

法式麵包製作精選實習班~第八、九、十堂

一次過post哂過去3堂嘅麵包相片。

第八堂學整紅莓合桃酥皮包和乾果玉桂酥皮包

亂嚟~韭菜煎餅

呢幾日執屋執到我傻咗，

都唔知點解屋企會有咁多嘢架!

老公仲攪笑，

一路執相簿，

就一路睇舊相，

由佢自己細路哥嘅相，

睇大小魔怪嘅BB相，

越睇越津津有味，

點呀???

幾時先執完呀!

講番正題，

係廚房摷到包麵粉，

唔好嘥用嚟整嘢食，

份量係亂嚟架，

不過食落都唔錯喎!

芝士焗肉醬意粉

話咁快一個月就過咗，

小魔怪今晚就會返英國，

佢會先留係倫敦玩兩星期，

跟住8月中又會和同學去歐洲玩，

真開心!

昨晚我整咗個芝士焗肉醬意粉俾佢食，

芝士係佢至愛，

唔使講佢食咗半盆有多啦!