雀后~歡迎!歡迎蒞臨朱家天地!

唔想再食了無新意的家常菜？唔知外面的餐廳有無用地溝油？覺得下廚好難、好麻煩？定係，根本無時間下廚？無論如何，自己親手烹調的最健康、最美味同安全﹗ 幸福可以好簡單，為自己的家人洗手作羹湯，雖然平凡，卻絕對是人間美味。平凡的食材、用簡單步驟，就能令你同家人一齊感受舌尖上的幸福﹗ 雀后，自問只是一名平凡的家庭主婦，然而她每天都會用心經營，為家人送上最暖的心意，煮出一道道幸福美味。自從大小魔怪出生後，雀后從不假手於人，一家大小的飲食都是她一手包辦，由買餸醃肉到落手落腳煮，都親力親為，務求家人食得健康，食得開心﹗

2015年3月3日星期二

冬瓜魚肉蝦乾豆腐卜煲

過年時食得超豐富，

又係時候要食得清淡啦!

唔係我驚個腸胃頂唔順呀!

清清哋煮個冬瓜魚肉蝦乾豆腐卜煲，

鮮甜又好送飯，

唔錯架!

材料: 冬瓜1斤、魚肉4兩、豆腐卜$10、蝦乾適量、粉絲適量、薑1大片、

雞湯1碗半、1碗水、鹽少許、蔥粒

做法: 冬瓜去皮切件；豆腐卜沖沖水後渣乾水份切半，將魚肉釀入豆腐卜內；

蝦乾洗淨後浸15分鐘(留浸蝦乾水)；粉絲浸軟備用；凍鍋落少許油，

將有魚肉豆腐卜放入鍋中略煎後盛起；落油爆薑片和蝦乾，

加入冬瓜、浸蝦乾水(半碗)、雞湯1.5碗和水1碗，

用中火煮滾後轉細火滾10分鐘，落魚肉豆腐卜煮多5分鐘，

加粉絲煮至軟身後，加鹽調味和灑上蔥粒便成。