雀后~歡迎!歡迎蒞臨朱家天地!

唔想再食了無新意的家常菜？唔知外面的餐廳有無用地溝油？覺得下廚好難、好麻煩？定係，根本無時間下廚？無論如何，自己親手烹調的最健康、最美味同安全﹗ 幸福可以好簡單，為自己的家人洗手作羹湯，雖然平凡，卻絕對是人間美味。平凡的食材、用簡單步驟，就能令你同家人一齊感受舌尖上的幸福﹗ 雀后，自問只是一名平凡的家庭主婦，然而她每天都會用心經營，為家人送上最暖的心意，煮出一道道幸福美味。自從大小魔怪出生後，雀后從不假手於人，一家大小的飲食都是她一手包辦，由買餸醃肉到落手落腳煮，都親力親為，務求家人食得健康，食得開心﹗

2015年3月27日星期五

豉汁炆鳳爪

今日唔知挑起邊條筋想食鳳爪，

但街買嘅鳳爪唔係好靚，

如果自己炸鳳爪係咪好難呢???

唔難，

不過要開油鑊之嘛!

材料: 鳳爪1磅、豆豉粒、蒜蓉、薑片、紹酒、老抽少許、粟粉水2茶匙

調味: 蠔油1湯匙、豉油1湯匙、老抽大半湯匙、糖1.5茶匙、水2碗

做法: 燒熱水，加薑片、紹酒和鳳爪出水10分鐘，洗淨後剪甲備用；

盡量將鳳爪瀝乾水份後，加少許老抽調色；

燒熱油鑊，加入鳳爪炸至金黃色，浸入冰水內降溫；

爆香豆豉粒、蒜蓉和鳳爪後贊酒，加入調味和2碗水炆30分鐘，

最後加2.5茶匙粟粉水埋茨汁便成。