呢幾日大魔怪又開始作病，
咳、流鼻水，
間中仲話好熱添!
唔通小魔怪D感冒傳染咗俾佢。
聽Blog友話感冒唔好食雞，
所以今日都係唔好食雞啦!
改食魚。
(不過之前我餐餐都食雞喎!)
香煎鮫魚
材料: 鮫魚2塊、薑數片
醃料: 鹽和胡椒粉
做法: 洗淨鮫魚後，用抹手紙抹乾，用醃料醃1小時；
燒熱易潔鑊落油，滾油爆薑片後撈起落魚煎，
煎魚時一定唔可以反魚，必須煎好一面先反轉，
咁就會金黃色啦!
沙爹豬扒
材料: 梅頭豬扒4塊、竹籤10支、印尼沙爹糕
醃料: 魚露、老抽、糖、麻油
做法: 將豬扒解凍，切成細小塊，用醃料醃豬扒1小時；
用竹籤串起豬扒，預熱焗爐200度15分鐘；將豬扒入爐焗15分鐘，
反轉再焗15分鐘，焗好上碟。用熱水開沙爹糕，
將汁淋係豬扒面便成。
大家可以入嚟Facebook讚下我新開嘅Fans專頁呀!
煎得好金黃呀~~
回覆刪除不過D外國人感冒會飲雞湯，而我自己都感冒時都無特別戒雞呢~~
我都冇咩戒口，凍嘢都照飲，所以我成日俾老公"鵝"我囉!話我唔識得戒口，次次病都起碼2星期以上呀!
刪除細時再愛食呢個餸！
回覆刪除其實中醫話感冒唔可以食鵝同鴨，咳就唔好食魚！
發熱就唔好食瑤柱粥同飲老火湯！:(
吓，咁多嘢唔食得架???我冇戒口架!
刪除三樣餸我都好鍾意食 , 由其是煎鮫魚 , 小時候我嫲嫲連鮫魚的魚子一齊煎香好好味 , 妳煎的鮫魚好正呀 !
回覆刪除我都鐘意食鮫魚，啖啖肉冇咁多骨呀!
刪除望倒你D餸就肚餓啦！
回覆刪除哈哈，呢餐有魚有肉有菜，唔錯架!
刪除我最鍾意食魚中間條骨，咬爛哂好正!
回覆刪除哈哈，妳都特別喎，鐘意食中間條骨呀!
刪除