近呢排每逢食晚飯時，
大小魔怪都會投訴，
話D餸好睇唔好食，
好食嘅又唔夠食；
喂，亞囝想死係咪呀!
人嘅容忍度有限，
亞虎已經激到我死死吓，
(前幾日回覆回應同出唔到post，
今日又壞瀏灠人數，真係唔知道明天又壞咩嘢啦!)
你兩個依家又激我，
激到我擺工以後唔再煮餸，
等工人姐姐日日煮D冇味嘢俾你哋食，
咁你哋就知道我煮嘅嘢幾咁好食啦!
好喎!我真係要認真諗諗呢個方法整整佢哋先得!
豉油雞汁豬肚豬腸豆腐
材料: 急凍豬肚1個、急凍豬腸2條半、薑、蔥、紹酒和鹵豆腐4件
調味: 李錦記豉油雞汁半樽
做法: 豬肚和豬腸用薑、蔥和紹酒出水後；豬肚開邊洗淨去肥膏；
豬腸剪開數段後，將豬腸反入露出豬腸內肥膏，用剪剪去較肥部份；
煮滾豉油雞汁落豬肚豬腸煮1個半鐘；
鹵豆腐最後20分鐘才加入汁內煮熱。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!