昨日我咳咗一整日，
成個人都好疲倦，
九點半已經上床瞓覺，
點知一瞓仲咳，
咳咳咳，咳到唔停啊!
瞓到朦朧之際，
老公突然叫醒我，
因為佢沖咗杯蜜糖水俾我飲，
嘩!好sweet呀!
跟著我一覺瞓到天光啦!
粟米魚肚羹
材料: 粟米蓉2罐、豬肉碎$10、魚肚2兩、雞蛋1隻
醃料: 豉油、糖、粟粉和水
做法: 用醃料醃豬肉碎半小時；雞蛋攪勻備用；
將魚肚出水至淋身後洗淨內裡的沙粒，切絲備用；
將2罐粟米蓉加2罐半水放入煲內煮滾，水滾加魚肚煲15分鐘，
加肉碎後滾多5分鐘，最後熄火落蛋漿攪勻後便成，
可隨個人喜好加胡椒粉!
原本沙爆魚肚真係好多沙o架!
唔知道係咪亞蘇個節目太受歡迎，
D魚肚好似貴咗，
買咗5條要$15呀!
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!