朱家小炒!

出嚟做事有時真係好鬼激氣。

小人做衰嘢某人永遠都睇唔到，

大家出心出力做咩，

又永遠得唔到讚賞!

小人講一句，

好過我哋講十句。

唉，

有時真係做到好鬼心淡架!

講完D唔開心嘢，

冇哂心情添，

簡簡單單炒碟朱家小炒!

 

大家可以入嚟Facebook讚下我新開嘅Fans專頁呀!

雀后(添飯)Facebook Fan Page

元朗~正記菜館!

 

今日，

我哋學校全體同工一齊食團年飯!

簡簡單單去食大排檔，

唔坐室外坐室內呀!

雪菜火鴨絲炒冰豆腐!

今日肥媽上身，

呢碟餸全部都係雪櫃物資嚟架!

嘻嘻~今日打嘅斧頭錢，

我好滿意呀！

 

蒜香魚露豬扒烏冬!

 

多謝大家嘅關心呀!

今日我嘅病情有少少好轉，

不過原來我食開嘅氣管藥係6個鐘頭食一次，

但我噚日每4個鐘就食咗一次，

唔怪之得噚日我成日都暈陀陀啦！

今日照番醫生指示食藥，

希望會快D好啦!

冇咩胃口，

今日煮咗個烏冬食呀!

 

青瓜雲耳炒扎肉!

今日我又睇多一次醫生啦!

所以繼續要食補品，

依家仲轉埋氣管敏感添，

咳到黐肺呀！

食咗氣管藥成個人暈陀陀，

由朝瞓到黑呀!

唔好話睇blog，

連煮飯都冇咩力呀!

是是旦旦炒碟餸出嚟食算啦!

 

與母親大人提早團年!

 

今日，

我哋與母親大人提早團年，

適逢妹妹最近生日，

齊齊食飯賀一賀佢啦!

以為提早2星期book枱食團年會冇咁多人，

點知一樣要等位，

仲要等食添呀!

我哋去美林大酒樓食飯呀!

瑞士汁雞髀配炒飯!

 

我知我知，

感冒咳係唔可以食雞，

不過咁吸引嘅

瑞士汁雞髀配炒飯，

又點會忍得口吖!

 

瑞士汁椰菜叉燒炒烏冬!

唉，

今朝一起身就喉嚨痛狂流鼻水兼開唔到聲，

就知道我已經中咗招啦!

今日不宜返工宜休息!(發夢中)

下午放工即刻去睇醫生，

今日食咗藥好攰，

簡簡單單炒咗個瑞士汁椰菜叉燒炒烏冬當晚餐；

原本小魔怪要補習唔返嚟食，

點知佢突然話改期唔使返，

好彩我炒咗6個烏冬，

唔係就肯定唔夠食架啦！

西餅蛋糕製作精選實習班(第十堂)~北海道牛奶芝士蛋糕&黑糖蜂蜜蛋糕!

終於到第十堂啦!

雖然係最後一堂，

但我又報咗另一個西餅蛋糕課程，

3月頭又開學啦!

今日整北海道牛奶芝士蛋糕&黑糖蜂蜜蛋糕!

沙拉骨!

最憎超市貨架上嘅貨，

好多時都係唔啱架!

上次我就攞錯罐頭杏脯當桃，

今次我就睇清睇楚啦!

前前後後，

左左右右，

肯定唔會錯呀!

 

 

鯉魚門~唔多掂嘅團購海鮮餐!

 

我起碼廿二年冇嚟過鯉魚門啦!

今日嚟到油塘，

真係變咗好多好多!

blog友仔買咗4份團購海鮮餐，

我、lonely&囡囡、好子和sand sand齊齊嚟搵食啦!

未食前行下街街先得!

 

蘿蔔肉丸煲!

 

呢排D蘿蔔好鬼甜，

仲好平添，

係百佳買咗一條細細嘅白蘿蔔，

哈哈，

唔係講笑$0.9咋，

合乎我慳家原則呀!

 

元朗~Thai Chef!

 有班志同道合嘅同事真好，

因為大家都鐘意食!

每次聽到有人話有好嘢食時，

我哋都會約埋一齊去試架!

今日就去咗呢間食泰菜自助餐，

食物雖然唔係好多，

不過食得妳飽囉!

呢餐$88包一杯餐飲!

(元朗福田徑2-16號樂富大廈地下6號舖)

提提大家，

最好6點半一開始就去食，

因為佢哋唔係一次過出哂D嘢食，

係逐碟炒出嚟架，

想食熱辣辣嘅嘢，

就要快啦!

哈哈，楊過至愛~菇菇!

哈哈，

楊過至愛~菇菇!

我打完個標題都笑咗出嚟，

唔單只楊過鐘意，

我都鐘意菇菇呀!

2013年第一包~卡士達餐包!

2013年第一包終於出爐啦!

今日拎起心肝整包，

係因為罐海苔芝麻豬肉鬆，

呢罐肉鬆係blog友仔幫我買架!

唔開由自可，

一開不得了，

太好食啦!

襯大小魔怪仲未返，

我唔客氣，

一口氣食咗2個呀!

 

西餅蛋糕製作精選實習班(第九堂)~荔枝乳酪毛士蛋糕&腰果酥曲奇!

話咁快又到第九堂啦!
呢堂整嘅蛋糕雖然冇上次外型咁靚，
但我覺得好好味道，
如果改用芒果味仲正囉!

南乳炒藕片!

 

大小魔怪和我都鐘意食蓮藕，

次次煲過嘅蓮藕我哋都唔會放過架!

有時更會爭住食添；

上星期六煲湯買咗3個蓮藕，

1個粉2個爽，

留起1個爽藕用嚟炒，

炒完我一路影相，

小魔怪一路偷食呀!

我唔識揀蓮藕，

點樣先可以揀到粉和爽藕呢???

 

 

粟米午餐肉粒飯!

1月份係寫學校評估報告嘅時候啦!

但呢排日日有食神，

噚日奶奶生日，

今日又參加朋友囡囡生日會，

真係冇咩時間做學校嘢架!

唯有偷D煮飯時間啦!

呢個碟頭飯係星期五嘅作品，

唔使10分鐘就有得食啦!

生日快樂呀!

 

今日係奶奶97歲生日，

就奶奶行動唔方便，

我哋訂咗個盆菜返屋企食，

驚唔夠食，

老公斬料燒肉和燒鴨，

我就煲埋個蓮藕鱆魚馬蹄綠豆排骨湯，

兼煮多2個菜，

仲有呢個黑糯米椰汁糕做飯後甜品添呀!

膽粗粗畫國畫II

 

係時候報告一下我學畫國畫嘅情況，

話咁快我哋已經上咗十一堂啦!

其實每一堂我都好俾機畫架!

國畫老師都讚我哋放膽咗，

手靈活咗，

仲有係似樣咗呀!

呢幾幅裡面，

我鐘意柳樹和蝦蝦呀!

咖哩薯仔雞配手抓餅!

 

估唔到2013年第一餅竟然俾咗手抓餅，

配埋唔係太辣嘅咖哩薯仔雞，

今餐唔食飯，

食餅啦!

 

 

鮑汁花生雞腳!

 

新一年新開始。

呢排我晚晚都好乖架，

食完晚飯後，

都會落去行公園做下運動，

我唔知我可以堅持幾耐，

不過希望我唔會咁快放棄啦!

日日係咁行，

食Ｄ嘢補補腳骨力先得!
 

 

西餅蛋糕製作精選實習班(第七&八堂)

人懶係咁架啦!

所以今日連出兩堂學整嘅蛋糕，

我鐘意朱古力蛋糕多少少，

唔like玫瑰花嘅香味呀!

第七堂~柚子蜜釀朱古力毛士蛋糕。

食蕉?食椒!

大小魔怪鐘意食椒，

每次見到紅紅綠綠黃黃嘅椒，

佢哋都會食唔停口架；

加埋係賀州買嘅蒜蓉豆豉粒，

辣辣哋，

送飯最啱呀!
 

 

咩嘢都可以炒一餐!

 

呢個假期真係日日食到冇停口，

唔可以再放縱自己，

要食D清啖嘢先得啦!

少鹽少油少肉多菜，

最重要係雪櫃有咩就炒咩，

咁又慳番唔少啦!
 

香港萬麗酒店咖啡廳!

 

今日又有blog聚啦!

噚日係lonely生日，

所以我約埋好子、lonely和囡囡一齊食自助餐呀!

lonely揀呢間嘅原因，

我諗係有佢~生蠔!

呢間D生蠔係即開即食，

超新鮮仲有4種生蠔任揀添呀!

連唔係咁鐘意食蠔嘅我，

都起碼食咗20隻；

最滿足係有我最最最鐘意嘅雪糕食呀!

呢餐用匯豐白金信用咭有85折，

橙汁汽水無限添飲，

仲有餐茶送，

每人平均$430咋!

6歲以下小朋友免費!

醉雞滾一滾，雀后都企唔穩呀!

天氣凍凍哋，

又係打邊爐嘅時候喇!

今日下午放工買定隻雞，

用簡單嘅醃料:豉油、鹽、糖、粟粉、薑汁、薑絲和杞子，

最重要係加埋大半碗花雞酒一齊醃雞，

(有時間最好醃過夜會更入味呀!)

將醉雞湯湯料預先煲1小時左右，

用佢嚟打邊爐就very good啦!

小魔怪話唔夠酒味喎，

我再加多咗大半碗花雕酒落D湯度呀!

(湯底要加少少鹽調味架!)

香煎蓮藕餅!

唔知我係咪有放假後遺症，

唔使返工就鬼打咁精神，

返工之後就攰到CC下，

好彩我返半日工咋，

唔係我就C得喇!

好鐘意我係facebook講果句:
我唔係老餅，

但鐘意食藕餅呀!

 

沙爹雞翼!

 

係呢個聖誕假期裡面，

成日見blog友仔去BB蕉，

諗諗下我都好耐冇蕉過喇；

奈何屋企冇人得閒陪我，

好想BB蕉呀!

唯有焗個沙爹雞翼當蕉咗啦!

 

 

2013元旦第一煮!

 

終於踏入2013年啦!

 

話咁快連續13日聖誕假又放完啦！

大家係時候要收拾心情聽日返工返學啦！

(原來大小魔怪1月3 日先返學，好羨慕啊!)
今晚唔係煮大餐，

簡簡單單4餸1湯(連湯渣)，

白飯任裝呀!