咖喱洋蔥豬肉酥!

 

朝早6點幾已經起床啦!

 

因為大魔怪今日同同學和老師去行山，

 

睇吓佢準備好D物品未；

 

唔睇都唔知道佢大頭蝦，

 

冇帶傘外同埋仲著埋件羊毛底底添!

 

亞仔行山會出汁o架!

 

著住羊毛底底好辛苦呀!

 

熱死人咩! 

 

今日响屋企都冇咩做，

 

咪想整吓嘢食囉!

 

呢排睇見blog友們成日整蛋糕、曲奇和蛋撻，

 

樣樣自己都好想試啊!

 

可惜我對做蛋糕、曲奇和蛋撻等，

 

仍然冇咩信心，

 

驚整得唔好食，

 

費事變咗一堆垃圾啦!

 

唯有整D簡單而又唔會浪費嘅嘢食啦!

 

 

 

 

 

 

 

 

咖哩洋蔥豬肉酥

 

 

材料: 急凍酥皮2塊、肉碎$15、洋蔥半個、咖哩粉和蛋1隻

 

醃料: 豉油、老抽、糖、粟粉、麻油和水少許

 

做法: 將急凍酥皮1開4及1開16；落油炒香咖喱粉後，

 

加洋蔥和豬肉煮熟盛起待涼；用豬肉餡料包在酥皮上，

 

用另一塊酥皮蓋上面，用叉輕輕壓在酥皮邊，在酥皮表面界3刀，

 

掃上蛋液，預熱焗爐200度15分鐘，

 

將豬肉酥放入焗爐焗15-18分鐘便成。

 

 

 

我就係用呢隻酥皮啦!

 

原來都唔平喎!

 

百佳買6塊$59.9，

 

平均$10一塊，

 

不過非常方便，

 

釀餡入去就焗得，

 

啱哂我呢D懶人呀!

 

有大大隻嘅，

 

又有迷你嘅，

 

任君選擇!

 

 

 

 
 

  

大家可以入嚟Facebook讚下我新開嘅Fans專頁呀! 

 

雀后(添飯)Facebook Fan Page