栗子冬菇炆雞

今日煮咗煲栗子冬菇炆雞，

老公和小魔怪都讚話好食，

原因係佢哋除鐘意食栗子之外，

更鐘意個雞煲裡D雞夠哂大件，

食落就唔會流失雞嘅味道喎!

哈哈，

講到好似成個食評家咁樣呀!

藕片炒肉碎

今次呢碟餸係廚餘煮成架!

蓮藕片係上次炆豬手時用剩的，

加埋少少肉碎咁就炒埋一碟餸；

嘻嘻!

打斧頭餸又出爐啦!

上水竹島水產西日放題

一年一度嘅一期一會又嚟啦!

今日我就約埋3位travel buddy食放題，

傾下嚟緊星期日我哋又約埋一齊飛啦!

目的地係日本福岡，

超級期待今次旅程呀!

講番呢個放題，

我哋食早場5:00~7:00，

以為冇咩人咁早食晚餐，

點知成場full哂，

下次都係打電話book定穩陣D呀!

南乳蓮藕花生支竹炆豬手

今日屋企冇wifi用，

攪到頭都大哂，

拿拿臨即刻買個router返嚟，

攪咗我成個幾兩個鐘先可以用wifi上網，

俾電訊商玩C我啦!

講返今日整呢個南乳蓮藕花生炆豬手，

原來我兩年前今日都係整呢個餸，

妳哋話橋唔橋呢???

時款日式麵包製作精選實習高班~第六堂

日式咖哩牛肉Peta卷&高纖燕麥酒釀提子包

呢堂忙住整麵包，

都冇咩點影相呀!

人日快樂

今日年初七，

祝大家人日快樂呀!

生日緊係要食雞啦!

呢隻雞係惠州帶返嚟，

自家養大肥雞，

肉地比較實，

骨頭更加硬，

最好就係拆絲點豉油食喇!

客家人好鐘意用乾蔥頭、豉油加熟油嚟點雞食的，

而我就鐘意食薑蔥，

所以做咗呢個混合版，

正到爆呀!

 

印度椰子合掌瓜粟米甘筍豬腱湯

話咁快今日又到咗年初六，

又係時候回歸平淡了；

農曆新年期間，

餐餐都大魚大肉，

所以今日就煲咗呢個印度椰子合掌瓜粟米甘筍豬腱湯，

啖啖椰子香味，

清甜好飲，

仲好潤添架!

新春回鄉

每年初三，

我哋都會返惠州過年，

返到惠州屋企，

堂弟婦已經幫我哋攪好衛生，

仲買咗好多生果擺係屋企添，

呢個弟婦真係抵錫呀!

大年初三

今日大年初三~赤口，

每年我哋都會返惠州過年，

今年亦唔例下，

大伯、大伯娘、姑奶、老公、小魔怪和我，

由於大魔怪初五攞唔到假，

所以留係屋企呀!

講返噚晚，

我哋提早同祈祈慶祝生日，

佢今年7歲啦!

晚餐則由姐姐親手包辦，

姐夫一D都冇幫手(嘻嘻，佢陪我哋打麻雀呀!)

都好好餸喎!

大年初二

今日大年初二，

簡簡單單食過開年飯，

手撕雞、荷豆炒素粟米餅、南乳炆齋，

又要趕住出外拜年啦!