國慶兼姨甥仔生日晚宴

昨日係國慶假期兼姨甥仔開生日會嘅大日子，

姐姐和姐夫早一日已經開始預備呢個晚餐，

我就幫手整咗咖哩豬皮蘿蔔魚蛋和生炒臘味糯飯；

話咁快姨甥仔亞諾今年18歲啦!

記得聽聽話話，

孝順父母啦!

合掌瓜紅蘿蔔粟米豬肉湯

秋天天氣變得乾燥，

係時候要煲番D滋潤湯水飲下喇!

今日就煲咗合掌瓜紅蘿蔔粟米豬肉湯，

用咗冇咩油脂嘅肉眼煲湯，

呢個湯除咗滋潤之外，

仲好清甜健康添呀!

燈燈燈燈

呢個星期，

我要全天候留係屋企等傢俬之餘，

又要密密手將所以嘢放回原處；

唔執都唔知，

原來我買咗好多唔同形狀大小嘅碟和碗，

剩係碟都起碼有50~60隻碟呀!

全部放哂入廚櫃又驚太重，

唔係就要另外搵地方安置佢哋，

唉，

頭痛中!

好在有樣嘢我哋唔使頭痛，

就係揀全屋燈飾喇!

老公和我都要求簡單美觀，

唔使太花巧；

客廳燈和飯廳燈一模一樣，

只係燈罩花款唔同；

而睡房燈和走廊燈呢個仲簡單，

LED燈配唔同燈罩，

嘻嘻，

攪掂哂!

想問問大家，

蝴蝶花靚D定係8字花靚D呀???

全屋燈飾加燈泡承惠$2980。

金銀蒜粉絲蒸勝瓜

金銀蒜粉絲蒸勝瓜，

勝瓜爽爽甜甜，

粉絲就有滑滑嘟嘟，

呢碟餸真係有唔同口感架!

國慶盆菜

一年一度國慶盆菜又嚟啦!

今年全場有109圍，

好熱鬧啊!

呢間盆菜第一次食，

淡淡哋味道唔濃，

又幾啱口味喎!

素湯~粉葛紅蘿蔔粟米栗子湯

雀后湯水又出籠啦!

襯大魔怪今日返嚟食飯，

所以今次煲素湯~粉葛紅蘿蔔粟米栗子湯，

加埋赤小豆扁豆花豆一齊煲，

一個字~甜!

試機~焗蒜香雞翼

屋企大裝修，

今日終於可以全面回歸我嘅廚房喇!

全新廚房緊係要增添新設備啦!

今次買咗個高溫蒸焗爐，

緊係要快快試機啦!

簡簡單單整咗焗蒜香雞翼，

加埋碟清水烚菜芯，

開飯啦!

P.S 焗完出嚟嘅雞翼皮脆肉嫩，

呢個效果，

我好滿意呀!

快將完成啦

如冇意外的話，

做埋有關電嘅工程後，

今次大裝修就會完工啦!

咁嚟緊呢段日子，

辛苦嘅打掃工作就會全速進行，

傢俬和其他大型電器已經買齊，

依家等送貨呀!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page

最新近況

雖然屋企仲未裝修好，

但我和老公都決定搬返嚟住，

其實廁所和廚房已經整好九成，

我哋可以係其中一間房臨時瞓住先；

依家最重要係全屋油漆工程(牆身)仲未開始做，

呢個工程真係唔急得，

起碼要做多10日先可以完工；

日間工程繼續做，

而我就要去屋苑會所打發時間，

繼續上網煲劇喇!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page

我的近況

各位好嗎?

因為係大陸係上唔到google，

所以update唔到呢個blog，

唔知大家有有掛住我呢???

而我呢就好掛住大家啦!

習慣咗日日寫blog和睇大家嘅blog，

依家冇得睇真係有少少失落架!

講番屋企裝修進展，

經過呢20日，

剩係換哂全屋水喉~銅喉，

以後我哋就唔使再飲生銹水啦！

其餘工程應該會係今日或之後開始施工，

我急佢哋(裝修師傅)唔急，

真係好頭痛呀！