洗牙補牙!

呢世人，

我最怕睇牙醫，

每次聽到洗牙車牙時"滋滋"聲，

毛管動呀!

唔係發覺自己有爛牙，

我都唔會去攪佢；

襯依家隻爛牙唔痛，

就要快快補番佢，

到痛時要脫，

仲慘呀!

睇完牙醫啦!

慶幸是我冇蛀牙爛牙，

不過有嚴重牙週病，

仲有超超超多牙石，

牙醫叔叔一路洗，

一路話佢洗到手軟喎，

有冇咁誇張呀???

我想講我痛到喊囉!

牙醫叔叔仲話我刷牙方式唔啱，

要我用牙線、牙縫刷和電動牙刷幫幫手，

加埋藥，

盛惠$480啦!

而牙膏和牙縫刷係藥房買o架!

中式牛柳!

我鐘意食酸酸甜甜餸好多人都知，

不過呢個中式牛柳， 

我係第一次煮咋! 

因為奶奶唔食牛，

所以好少煮； 

最近係學校訂咗一條阿根廷3/4牛柳， 

$50磅， 

呢條有3.75磅， 

睇落都幾靚， 

唔知好唔好食呢??? 

其餘的牛柳俾我分解咗， 

放咗入冰箱!

梅菜炆腩肉!

昨晚，

我整咗個梅菜炆腩肉俾母親大人佢哋食，

個個食得不知幾滋味；

大小魔怪投訴今次冇得食喎!

梗係唔會啦!

媽咪我又點會唔預你哋呢???

已經預備一大碟係廚房啦!

廣州手信!

 

昨日又去探姨甥女~祈祈BB；

我哋次次去探BB，

佢都係度瞓覺；

但平時，

母親大人話佢大部份時間清醒o架!

仲好鐘意同人傾計，

開始會望住人想講嘢咁!

唔通打麻雀聲會令人瞓覺!

上星期六，

母親大人和姐姐去探住在廣州的叔父，

最近他身體很差，

我哋約定暑假會再上去探望他，

希望等到啦!

酥皮咸牛肉卷!

昨晚又嚟整宵夜，

係雪櫃摷到一包急凍酥皮， 

擺咗好耐啦! 

都係時候清清佢。 

用咗咸牛肉， 

咸咸哋， 

大小魔怪都話正呀!

梅菜炆雞翼!

大小魔怪細細個時，

唔係幾鐘意食梅菜o架!

為咗改變佢哋偏食嘅習慣，

我就用梅菜加埋佢哋鐘意嘅食材，

等佢哋慢慢接受；

依家，

我一煮梅菜，

佢哋都會話正呀!

涼拌青瓜皮蛋!(更新版)

昨日同同事去飲茶，

叫咗個涼拌青瓜皮蛋，

青瓜難食，

皮蛋苦澀，

仲要收28蚊，

自己整好過啦!

今日買咗3條青瓜都係9蚊咋!

今晚先買幾隻皮蛋伴碟呀!

買咗皮蛋$6有3隻呀!

2隻糖心1隻實心o架!

燒排骨!

每逢有咩喜慶，

我哋都習慣斬料加餸；

不過依家係街賣嘅燒味都幾貴，

真係買唔落手呀!

依家自己學識整燒味，

無論叉燒、燒肉和燒排骨，

隨時都可以加餸啦!

菠蘿甜酸排骨!

我好鐘意食甜甜酸酸嘅嘢，

近排見blog友仔整咁多甜酸餸，

真係睇到我口水流呀!

開胃又好味道，

唔得，我又要開爐啦!

唔好當我係豬!!!

 

離哂譜，

真係離哂譜!!!

同和X公司簽約話明上網每月$99，

 

點知個個月收我$166，

 

又唔sent e-mail 俾我，

 

我鬼知條數點計呀???

 

好彩我有睇銀行月結單，

覺得條數有問題，

於是晨咁早5點幾打電話去問，

 

 

襟襟襟一大輪制都搵唔到人，

 

我D火開始嚟啦!

俾我搵到人又講一大輪我唔識嘅嘢，

只係一個問題，

 

有冇得退錢???

有! 

 

即刻取消哂所以唔知咩嚟嘅服務，

 

剩係用上網服務，

每月收$99!

最後果句，

唔好當我係豬呀!

 

 

 

 

 

大家可以入嚟Facebook讚下我新開嘅Fans專頁呀!  

 

雀后(添飯)Facebook Fan Page