星期日買咗包曲奇粉返屋企，
等到昨晚先有時間整。
嘩!要用227g牛油搓粉喎!
咁咪好油囉!
我唔想落太多牛油，
於是加咗少少牛油和一隻雞蛋，
夠搓成糰便算，
用180度焗20分鐘，
每盆只係焗得9個咋!
總共整咗4盆，
共39個呀!
睇吓食唔食得先!
3月18日是大小魔怪正日生日，
同時老公亦係3月30日生日，
咁今日就一次過為三囝爺一齊做生日啦!
其實我想整好多嘢o架!
不過得一對手，
工人姐姐剩係幫手切切切，洗洗洗!
我唯有犧牲少少唔打麻雀，
密密整啦!
生日會嘅有食物:
雖然3月18日先至係大小魔怪的生日，
不過老人家話做生日一定做早唔做遲，
又要就埋大家唔使返工，
所以決定明天3月14日為大小魔怪做生日啦!
放工之後，
同老公一齊落元朗買餸，
為明天的生日會準備食物。
為妳哋準備了一個冷凍小食~泰式鳳爪!
雪凍明天食!
今日我整呢個兩餸，
基本上啱哂我一家人嘅口味。
雞、薯仔、洋蔥、白汁加芝士碎，
仲要係焗到金黃色，
未煮諗起都想食呀!
炸香嘅獅子頭，
加埋雞湯和娃娃菜一齊煮，
嘩!好清甜啊!
今日又是考驗新工人姐姐廚藝的大日子，
昨晚我已經買定哂雞翼和節瓜，
仲逐一講明豉油雞翼是用現成豉油汁加2碗水煮20分鐘；
節瓜就煮粉絲蝦米啦!
睇睇佢煮成點!
昨日我咳咗一整日，
成個人都好疲倦，
九點半已經上床瞓覺，
點知一瞓仲咳，
咳咳咳，咳到唔停啊!
瞓到朦朧之際，
老公突然叫醒我，
因為佢沖咗杯蜜糖水俾我飲，
嘩!好sweet呀!
跟著我一覺瞓到天光啦!
今日天氣又開始轉涼了，
而且整天都下著毛毛雨，
唔夠瞓嘅我好疲倦啊!
就連食嘢都好似冇胃口呀!
見好耐都冇食過酸酸甜甜野，
嘻嘻!襯今日係三八婦女節，
整番樣自己鐘意食嘅餸先得!
八點九食宵夜???
係呀!
由於奶奶飲食習慣與我們不同，
每逢星期六日，
早午晚餐都要好早食o架!
我哋通常早上11點就食午餐，
6點左右就會食晚餐。
到咗8點零9點，
大小魔怪唔肚餓就奇啦!
我係雪櫃攞埋半包白菜豬肉煎餃出嚟，
做咗我哋今晚嘅宵夜啦!
呢排天氣好差，
又濕又熱，
對怕熱和有鼻敏感的我，
超辛苦呀!
唔想食飯，
唯有改食粥，
食粥梗係要炒粉啦!
今日唔只有炒粉，
仲有我拿手嘅炒粒粒!
呢幾日大魔怪又開始作病，
咳、流鼻水，
間中仲話好熱添!
唔通小魔怪D感冒傳染咗俾佢。
聽Blog友話感冒唔好食雞，
所以今日都係唔好食雞啦!
改食魚。
(不過之前我餐餐都食雞喎!)
