今日終於買咗豆豉啦!
即刻買鳳爪和腩排，
煮咗呢碟豉汁排骨炆鳳爪，
用埋豉汁撈飯就更加正，
睇嚟又要添飯啦喂!
材料: 炸鳳爪12隻、腩排$50、蒜蓉、豆豉粒、薑3片、紹酒適量
醃料: 豉油1湯匙、鹽半茶匙、糖1茶匙、生粉1茶匙、麻油少許
調味: 蠔油1湯匙、豉油1湯匙、老抽半湯匙、糖2茶匙
做法: 炸鳳爪放入熱水內，加入薑3片和紹酒出水5分鐘，
取出沖洗乾淨後，剪半備用；腩排洗淨後，落醃料醃30分鐘；
燒熱油鑊落腩排略煎兩面，加入蒜頭豆豉炒勻，
加入炸鳳爪、調味和2碗水煮滾後，轉小火慢慢炆30~40分鐘，
按個人口味落鹽調味，最後落生粉水埋芡汁便成。
雖然用汁撈飯好肥, 但就好鬼正!
回覆刪除哈哈，撈汁食飯真係好鬼肥架，不過我鐘意。
刪除