返惠州過聖誕

12月24日

我哋一行4人返惠州過聖誕，

首先緊係要搵食啦!

第一餐食客家菜。

返到屋企，

打掃嘅打掃，

瞓覺嘅瞓覺，

唱K嘅就繼續唱K，

搵多1個朋友仔嚟食飯，

飯後仲車我哋去惠州山姆超市行街街，

我真係超級忍手，

買嘢少少嘢咋!

不過我都買咗條牛肉卷做宵夜呀!

12月25日

今日主要係去幫老公辦張老人乘車證，

係惠州搭巴士係免費，

而我就都只係2蚊車費。

辦完證後，

要等過年後先有得攞；

之後我哋call車去西湖豐渚園行下，

平日遊人少，

行得好舒服呀!

呢度唔算大，

但園內古色古香美景，

我都影咗唔少相架!

我哋沿住西湖旁行去東江邊，

再行去水東街，

行咗1個幾鐘頭，

終於到達惠州海鮮街，

呢度海鮮平靚正，

我哋呢餐食咗￥192，

大家有機會可以嚟食下呀!

响水東街買咗好多年貨，

好開心呀!

加埋係美團優選訂嘅嘢，

今次真係大豐收喇!

夜晚就返舊屋附近，

約埋堂弟婦食飯，

6個人食咗￥280，

堂弟佢哋仲攞咗自家曬嘅臘肉和臘腸，

仲有自家艇嘅蕃薯俾我哋添!

12月26日

今朝我哋食完早餐後，

就返深圳啦!

因為老公銀行咭到期，

我哋去咗湖貝站附近嘅中國銀行辦咭，

果度明顯比羅湖少人好多，

老公唔俾排隊外，

仲唔使5分鐘就完成，

半個月後就有得攞咭啦!

我哋搭3個站地鐵返到蓮塘口岸，

食埋午餐就返香港喇!

大家可以入嚟Facebook讚下我新開嘅Fans專頁呀!
 

雀后(添飯)Facebook Fan Page