話說我噚晚開始唔係咁舒服，
攪肚痛兼肚瀉，
痛到伸直唔到個身添!
之後食咗粒止痛藥，
先可以瞓到一陣咋!
今日就冇肚痛，
但仍然有瀉，
我食咗成日粥水，
希望可以快D好番啦!
呢個雙菇炆腩排(冬菇&鹿茸菇) ，
係噚晚嘅餸嚟，
我食咗D菇，
都唔錯呀!
材料: 腩排$50、冬菇10隻、鹿茸菇適量、紹酒少許、薑4片、蔥粒
醃料: 豉油1湯匙、鹽半茶匙、糖1茶匙、生粉1茶匙、麻油少許
調味: 蠔油2湯匙、老抽1湯匙、豉油1湯匙、冰糖粒適量
做法: 用醃料醃腩排1小時；冬菇浸軟去蒂切半；鹿茸菇浸軟備用；
燒熱鍋落油先爆香薑片，加腩排略煎兩面，落冬菇炒香後贊紹酒，
落調味和浸冬菇水1碗半炆30分鐘後，加入鹿蓬菇炆多20分鐘，
最後埋個生粉水芡汁，上碟後灑上蔥粒便成。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!